【熱話】麥記隱藏食法 22蚊有埋特飲
全球都經濟唔好,香港人好快都要面對現實,開源節流,而以下由網民發現嘅食老麥方法,唔知你之前識唔識呢?
話說以下呢個餐,只係22蚊就食到飽,仲要有杯特飲,完全係生活享受。
有打工仔上網教路,6蚊汽水走冰,再加4蚊杯雪糕,就可以自製「黑牛」,再食埋下午茶個12蚊買一送一肉醬薯條優惠,total只需要22蚊。
有網友點出此餐精妙之處,在於薯條有齊多款醬料,茄汁、肉醬外,仲可以點埋雪糕。
事實上過去老麥一早有唔少隱藏食法,其中可樂加軟雪糕,以前小編都經常咁做。不過要提提大家,應該可樂加朱古力雪糕先叫黑牛,雪碧加雲呢拿雪糕就係白牛,呢杯就唔知係咩牛了。
細睇圖片之下,原來該位食客只係畀12蚊,當中仲扣埋10蚊優惠,到底可以點做到?有人估可能係,叫長者幫你買…嘩,呢招真係絕。
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦