【熱話】1月1日公司話要cut醫療福利
呢幾日睇新聞,打工仔都見到新一年電費加、地鐵車費加、M記加,但人工唔見加不特止,仲要俾老闆cut福利,講緊仲要係醫療福利。
有打工仔話1月1日朝早就收到上司email傳遞老闆旨意,話由今年1月1日開始,公司會cut員工睇醫生的優惠待遇,原本每次睇醫生只係需要俾60蚊,改為依家每次俾180蚊,升咗成3倍。
冇計啦,依家間間公司都諗縮數,冇cut晒成個醫療福利咪算好囉。
小編收風知道有公司真係cut得就cut。就好似原本有洗牙福利都突然喺呢一兩個月cut咗,有啲公司原本限咗一個月同事睇中醫嘅次數,總之唔多過三次都有得claim,但都係呢幾個月被cut。
同事雖然怨聲載道,但好多都敢怒不敢言,始終呢個年頭,保住份工比一切都來得重要,唔俾人炒已經要掩住半邊嘴笑……
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦