疫症致遊客大減 泰國猴城馬騮太多搶居民食物
泰國曼谷150公里以外華府里為一座歷史古城,城內一向都住咗相當多野生馬騮;原本因為馬騮有遊客餵食,所以同人類一直相安無事共處。不過近大半年因疫情關係,導致幾乎零遊客餵食,馬騮挨餓之下,居然出現多單馬騮搶當地居民食物事件,令當局不得不採取措施,就係「閹」!
目前華里府約有6千多隻馬騮,自古以來都圍繞城中生活,城中各處都見到佢哋;其中著名觀光地三峰塔,更因為遊客多、食物多,引來大批馬騮居住。可惜好景不常,疫症下遊客絕跡,好多馬騮都突然失去「米飯班主」,變成要自己搵食,無計可施下惟有向居民下手。平時當地居民十分歡迎馬騮,甚至每年11月底都會舉辦「猴子節」,吸引遊客前往城市觀光。目前當地政府為咗減少馬騮,已經向500隻馬騮進行絕育手術,希望減少其數目;不過遠水不能救近火,呢方法好難解決目前情況,惟有希望疫症盡快完結,遊客重新返到古城啦!
相關文章: