雅虎香港財經 【移民英國】點樣應對英國自來水及時差？
移居英國要適應唔少新事物，其中兩大走唔甩項目就係水同時間。
硬水的代價
水的硬度是以碳酸銬含量計算，按英國標準，碳酸銬含量151mg-200mg/L就算係中等硬水，201mg-300mg/L列作硬水，300mg/L以上算係超硬水。英格蘭東南部地底由大量沉積岩構成，當雨水在地底流動時就會「吸收」唔少礦物，所以東南部地區水質都屬於硬水及超硬水。
硬水含有豐富礦物，飲用硬水理論上可以補充鈣、鉸等礦物質。硬水另一優勢係味道較清甜，唔少人愛上硬水口味，都會花錢買樽裝礦泉水飲用。但硬水亦衍生兩大問題，一是礦物質加熱後會重組成固體，令水煲、熱水壺內膽很容易積存水垢，硬水礦物質亦令浴室、水龍頭、洗手盤積存發黃水垢，而且硬水沖涼洗頭時亦較難起泡。二是硬水的水垢較容易令毛囊阻塞，導致甩頭髮問題，這亦解釋了英國或歐洲的硬水區，何解頭髮稀疏的男人特別多。
想避開硬水，最直接方法係揀軟水區落腳。可惜不少港人熱門落腳點如倫敦、劍橋、北安普頓、諾定咸都屬於硬水區，想揀軟水區，熱門之選有曼徹斯特、利物浦、蘇格蘭首府愛丁堡等。當然揀落腳點首要考慮係搵食同仔女升學，水質硬軟始終係次要因素。假如決定進駐硬水區，你可以用postcode了解各分區水質，盡量避開硬中之硬水區，另外亦要諗辦法同硬水生活。較常用的方法係裝濾水器減少自來水礦物質，但濾芯須每月更換，每個濾芯約£4-5，又或買一個濾水壺，每次煲水前先過濾自來水減少礦物。更徹底方法係裝設軟水機，原理係以納鹽換走自來水的礦物質，安裝費約£1600，並要每月加入納鹽塊。但涉及安裝供水管道，如果租屋住最好先得到業主同意。
至於水垢，水煲的水垢可以買Descaler以水稀釋，再加入水煲溶解水垢。浴室、洗手盤水垢可以用Limescale 清潔劑溶解水垢。至於起泡問題，除了加重洗頭水、沖涼液份量，亦可以試用應對硬水的當地出品。
夏冬令「時差」
格林威治標準時間（Greenwich Mean Time, GMT）正是以倫敦格林威治皇家天文台作為基準，因此英國屬於GMT+0時區，而香港則屬於GMT+8時區，兩者相差八小時。
但英國香港時差在夏季及冬季有少許分別，英國設有夏令時間（British Summmer Time, BST），每年三月最後一個星期日凌晨一點起就會調快1小時，令英國及香港時差縮窄至7小時。到十月最後一個星期日凌晨兩點就會調慢1小時，英國及香港時差就變回8小時。 以往大家都要記得踏入夏令時間必須較手錶及時鐘，不過現時屋企的智能電視、電腦、智能手機及智能手錶都會自動調整，要適應唔太難。
反而要用較多時間適應係日落時間，大家在香港習慣五、六點時落，但英國由四月中至八月尾日落時間為晚上八點後，有時甚至到晚上十點才日落。初到埗時會格外覺得一日特別漫長。到十月中至翌年三月，日落時間就大幅推前，除了較「正常」的五、六點，入冬後唔少日子日落時間更早至下午四點，上班族返工放工都可能未見過太陽，不過唔少住香港新界的港人早已習慣這生活方式，他們要適應早日落日子就較容易。
登陸英國後仍繼續接香港Job的朋友，時差問題將更貼身。皆因你在英國八點起身，香港時間已經係午後四點。要在香港早上時段傾工作及生意，你就要半夜一點都唔好瞓（香港時間早上九點），工作拖拉的話，你可能要直踩到英國時間早上八、九點。當然你本身係夜鬼問題就不大，但習慣作息定時的朋友，就要開始操練通頂工作的適應力了。
伸延閱讀：
