雅虎香港財經 
【經一專欄】診所職場事 【寶豬趣聞】戒口 ｜珍寶豬
【經一專欄・診所職場事】電話響起～
我：「你好，乜乜診所」
佢係一位女士：「你係咪我噚日見到嗰個姑娘呀？問你啲嘢呀」
我：「咩事呢？」
佢：「醫生噚日話我腸胃炎，我而家仲係咪腸胃炎呀？」
撰文：珍寶豬
延伸閱讀：
80後女生回收舊木再造家具 每月營業額40萬元｜80後創業個案｜木一番
呢個問題，施主你應該問你自己，你有冇屙爛屎肚痛呀？
我：「正常就唔會咁快好返嘅，你食咗幾多次藥呀？」
佢：「一次都冇食過」
咁你嚟睇醫生托呀？
我：「你冇屙冇肚痛？」
佢：「有呀」
我：「咁…你做咩唔食藥呀？」
佢：「醫生叫我戒口咋嘛，冇叫我食藥呀」
噢，你係咪正值青春期反叛期呀？
我：「…藥醫生開得俾你嘅，就係俾你食嘅」
佢：「佢噚日都冇講，佢係叫我戒口咋喎」
我：「你有冇覆診卡號碼俾我呀？或者講你登記電話號碼俾我知呀，我幫你睇睇排版」
佢：「唔駛呀，我打嚟係問你我而家喺度可以食啲咩呀，你答我呢樣得㗎啦」
我：「食清啲啦，煎炸油嘢肥嘢唔好食，咖啡奶茶有奶嘅唔好飲～」
佢：「我而家喺麥當勞坐低咗啦喎」
我：「…麥當勞咁油唔好食住啦」
佢：「醫生叫我戒口咋喎，冇話唔食得麥當勞呀？唔係咩？」
聽你把聲都應該一把年紀，你覺得扮天真係好可愛嗎？
我：「麥當勞啲嘢食都比較油嘅，或者你揀啲清啲嘅嘢食啦」
佢：「我坐低咗㗎啦，我食得啲咩呀？」
我一時之間LOAD唔到麥當勞有咩比較清淡，諗咗陣，佢等唔切：「你都答唔到我嘅？我去問收銀我食得啲咩啦！」
嘟。
希望人哋唔係答你食屎啦。
延伸閱讀：
