網民倡設「Degree最低工資」
終於有人為大學生工資發聲了,原來日前有年輕網民終於忍無可忍,覺得點解使咁多錢,讀完個degree出嚟,只係得12K人工?
佢覺得,寧願縮減學位,減少供應,要訂立「Degree最低工資」,保障班大學生。
根據教育局資料,現時每年接受大專教育的「大專以及大學生」約32萬人,而本港就業人口約387萬人、勞動人口398萬,亦即8%新增勞動人口,難怪會有「連登仔」抱怨難找高薪工作,因為個競爭都唔算細。
你贊唔贊成「Degree最低工資」呢?睇其他後生仔反應,都幾多人響應,覺得咁先公平﹗不過都有人反對,反對嘅人覺得,讀完Degree唔代表你好醒,如果有最低工資,咁老細都寧願請個IVE畢業,班大學生從此失業。
有人就冷靜分析,以前得中大、港大時,一啲問題都無,係而家大學收生收得太濫,好多所謂學位,根本無市場需求。
小編則參考現行的最低工資,覺得最難都係要訂立到什麼薪金水平,以香港薪金中位數18K 計算,「Degree最低工資」要出幾多錢好?如果18K係講緊已有工作經驗6至7年,大學畢業「最低」又真係可能得12K喎。
其實打咩工,最後都條係際遇兩個字……大學生畢業過20K,還是有的,至於有機多機會有?就係社會向上流是否容易的問題了。
來源:連登 ===================
19網輕鬆爆料熱線,歡迎舉報老細同事19惡行,立即click入去講畀我哋知啦