網民熱話：港人直到30歲仍同父母住好有問題？古仔又點睇

坊間不少書籍教人30歲前要做的事，而香港地好多人直到30歲都同仲父母一齊住，成為網民熱話，在外國人眼中，大學畢業後已算是成人，應該搬離屋企自立。

下載Yahoo財經APP
美股、外匯、加密貨幣免費即時報價，自選投資組合獲取相關新聞提示

但疫情下經濟不景，連份工都可能不保，更可況搬出來住，今時今日好多香港人30歲前仍同父母同住，究竟是「被迫」或是「自願」？同父母住就反映自理能力有問題？被人笑唔夠成熟獨立，係香港人嘅「悲哀」或是「幸福」？

同父母住反映自理能力低？

有網民認為，30歲前應該搬出來，因為唔搬出來，好多屋企嘢如洗衫晾衫煮飯洗廁所等都唔識，搬了出來後就什麼都變速成班。其實，自理能力問題好視乎個人心態，同父母住亦可以一手包辦屋企家務及大小事項，同父母住不代表自理能力低，而搬出來住，亦可以搞得一團糟。

以電影大亨古天樂為例，就算年過50兼事業有成，但仍堅持與家人同住，每年仲陪父母旅行，每天都是由媽媽叫他起床，相當溫馨。他很強調家人的重要性，一個人最重要是有一家人的支持。

樓價貴增自立成本

樓價貴、疫情及工資加幅低，令年青人與父母同住成為世界性現象，在美國30歲以下美國成人與父母同住比例創80年新高，在韓國30多歲仍未婚人士超過一半仍與父母同住。

香港人30歲前仍同父母住，好多時因經濟考慮。香港首季每月入息中位數為2萬元，最新中小型住宅月租也要15,795元，租金蠶食收入大部分，住劏房月租都7000、8000元，不是太多人接受到。交了租同支付生活費後，幾乎儲不到錢。

由於收入不高，令不少年青人陷兩難，搬了出來，錢儲少咗，俾屋企家用亦少咗，倒不如同父母住，可慳錢兼儲錢，都算為世所迫。

其實，每人的目標及價值觀取捨不同，世上無硬指標要不要同父母住，更加無年齡死線何時要離家獨立。