【老散智慧】港股後市要睇實呢樣（標基）

上周五港股沽盤湧現，只是消化7月初大升市的情況，回順後港股將會再度發力。

港股上星期五大跌600幾點，加上本港疫情反彈，散戶擔憂港股再陷入熊市危機，大市回調亦嚇走一批散戶先行沽貨，令上周五港股沽盤湧現。

不過，我對港股表現仍然看好，隔晚美股三大指數回穩，為投資者打下強心針，所以我對港股未算太悲觀，而且7月港股開局以來，一下子抽升過千點，確實令散戶心雄，以為大時代再度來臨，其實以我看法是阿爺要在國安法通過後維穩股市，一星期內大量內地資金流入炒起各板塊，當股價升幅過急後，投資者就會返回理性層面來評論各股，所以上周五港股沽盤湧現，只是消化7月初大升市的情況，回順後港股將會再度發力。

值得留意，今周美國將發布第2季財報數據，打頭陣是大型金融公司，包括周二公布的摩根大通、花旗和富國銀行，接着幾天是高盛、美國銀行和摩根士丹利。今周美股金融板塊業績，會影響大市氣氛較為波動，但我相信大部份投資者早已預料疫情因素，會影響美國金融板塊第二季業績轉差，而有關消息早已反映在美國銀行股，所以美股跌幅有限。反而，聚焦點是留意市場如何解讀美國銀行業下半年的業績表現，唔敢講充滿期望，起碼無上半年咁差。

美股次季業績放榜高峯

今周港股部署要睇實美國第二季公司業績的表現，會否左右大市氣氛，市場波動性亦可能增加，不過，港股有阿爺撐腰，北水持續流入支持港股，所以都唔使太擔心。而且，科技股應該逢低吸納，在8月恒指季檢結果公布前，買盤繼續湧現，科技及新經濟股仲有一番炒作。

標基

敢言敢為的小股民，股票投資愛好者

本欄逢周一刊出