職場引入女性尿兜?
近日香港廁所協會提出引入「女性尿兜」,幫女性縮短女性如廁時間,中午食飯可以爭分奪秒,但結果卻引來一班女士批評不設實際。
根據協會估算,女性如廁時間平均2至3分鐘,如果用「女性尿兜」,就可以減至1分半鐘至2分鐘,女廁門外就唔使大排長龍。
但女士們有以下憂慮:
唔識用仲慢
要花時間消毒
有M用唔到
如廁冇私隠
女人太多嘢除
站立如廁太累
有女士仲分析,其實女廁大排長龍,唔係因為去廁所慢,而係好多人都慢條斯理,入到廁格會做好多其他嘢,個建議係解決唔到問題。
小編都好同意,入廁格有時係如釋重負,偷時間透下氣係人之常情;唔去增加廁格,反而要女士自己學男人咁去快啲,好似唔多講得通。
如果真係引入「女性尿兜」,OL隨時連偷懶空間都無埋。
來源:baby-kingdom
===================
19網輕鬆爆料熱線,歡迎舉報老細同事19惡行,立即click入去講畀我哋知啦