【職場新玩法】又要見工又要去旅行
對住班後生,有時真係冇晒符。其實,佢哋明唔明白點解公司要請人,係因為等人用?唔夠人呀!急住請人呀!最近朋友公司請咗新人之後,連試用期都未過,對方就話要請假去旅行,真係聽到一眾同事睥一聲。
以下係小編聽過最千奇百趣的講法,真心嘔血。
1.聲稱一早買晒機票,死都要No Pay Leave
2.見工時講明「你請我都得,但預咗我X月X日至X月X日要去咗個旅行先」
3.威脅老闆,「你唔俾我放假我就辭職」
4.話自己難得抽中平價飛/免費飛,一定要去,唔係蝕
5.聲稱家庭旅行推唔到
6.問佢最快幾時返工,佢話「一個月後」,再問「你唔係Fresh Grad咩」,佢話「係,但我要去咗一個月Grad Trip先」
7.未過試用就話要拎一個月大假去旅行
呢啲原因真係呢……之但係真心好多後生都覺得「旅行大過天」,老闆就算想唔俾,都吹佢唔漲。
===================
19網輕鬆爆料熱線,歡迎舉報老細同事19惡行,立即click入去講畀我哋知啦