【職場現象】每份工都用唔同英文名？

小編識得唔止一個朋友，一畢業就轉咗3、4份工，但佢每份工都用唔用英文名，第一份介紹自己叫Kiko，第二份叫Ming，第三份叫Yuki，依家做緊呢份叫Sammi。

針對呢個轉工就改名問題，小編都有嘗試了解唔同朋友嘅背後心態，整理以下答案：

1.重新開始

想每份新工都係一個重新開始，轉咗個名，等於忘記上一份工做得唔好嘅地方。

2.一眼分到舊同事

有人只係貪好玩，街邊舊同事見到自己，一打招呼就分到係邊間舊公司同事，純粹感覺過癮。

3.怕俾人唱

有人潛意識係自欺欺人，可能因為上一份工做得唔好，怕俾人唱，於是以為改名就一天光晒，冇人記得自己。

4.英文名是但

因為本身冇英文名，同事問到，果下諗到咩名就係咩名。

5.太多Stephen

亦有人試過公司部門（大概20人）已經有三個 Stephen ，新來新豬肉下，新同事唯有被建議（迫）改名。

6.要夾公司磁場

信風水學或姓名學，認為英文字母都跟公司跟磁場，改咗個新英文名後，好快有職升。

成日改名，唔好以為冇乜所謂，其實係會予人唔穩重，五時花六時變，感覺無誠信嘅錯覺。都係果句，老闆如果唔知就唔會理，但一知就好高風險歧視你，覺得你係「三姓家奴」，大家要小心處理呀。

【相關搜尋】臨近絕種的英文名

===================

19網輕鬆爆料熱線，歡迎舉報老細同事19惡行，立即click入去講畀我哋知啦