預算案出爐了 誰是大輸家

今次份預算案有不少輸家⋯

表面看來，預算案重點穩經濟、紓民困，但以下卻是今次預算案中的「大輸家」

燃油車主：

政府為減路面車輛，決定將將私家車(包括電動私家車)首次登記稅各稅階的稅率提高15%，牌照費增加30%。車主向來是捨得使錢的一群，但免薪俸稅已經得10000，牌照費無疑增加負擔。再者，政府會在2035年或以前，停止新登記燃油私家車，長遠似要燃油車主轉投電動車，意味開車隨時更貴更麻煩。

小股民：

股票印花稅擬加3成至0.13%，港交所與小股民簡直「中槍」；此外，亦由於政府拒派錢而改派消費券，杜絕了市民像美國散戶般，可以使用救濟金入市，變相令股市白白失去約360億元潛在熱錢。

港交所「中槍」，是日其他股份亦大跌 （報價截至下午3：20分）

18歲以下市民：

預算案出爐後，隨即有家庭主婦上網怒斥財爺忽視小朋友開支，認為政府「不知所謂」，5000元消費券點解無份。主婦質疑財爺點解覺得「18歲以下就唔洗消費」？

長者：

銀色債券的年齡由65歲降至60歲，政府的理由是銀債受市民歡迎，但就無講「真長者」會唔會增加認購難度；而且不少長者都未必識用電子貨幣，電子消費券就更加未必識用，變相「囉嚟搞」。

不少長者都未必識用電子貨幣 (AFP via Getty Images)

業主：

整份預算案，業主無甜頭之餘，仲話可能檢討差餉制度，由業主負責交差餉，意味「包差餉」不會再是賣點；再加上東九龍區5幅商業用地改劃作住宅用途，大幅增加供應，亦由於啟德發展區商業用地減少，與放棄「起動九龍東」無異，早年在附近「插晒旗」的業主，可能要問財爺點算好了。

市場質疑政府已放棄「起動九龍東」

小店：

往日政府派錢，小店與大集團/連鎖店同樣受惠，但改為使用消費劵的行政成本巨大，小店未必可以吸納消費力，再加上消費券詳情並未公布，有指可能會用八達通發放，那麼，沒有安裝八達通的小店就幾乎不能受惠了。

數落原來今次份預算案有咁多輸家，如果你又有港交所、又有燃油benz，上有高堂，下有細路，你覺得預算案幫唔幫到你？難怪有市民話，不如政府派5000蚊馬會劵，至少多個希望。

之不過，陳茂波料本港赤字將激增至2576億元，創歷史以來最高，或者為大局著想，勒緊褲頭，話唔定都係利大於弊啦。

相關報道：

• 港股急插逾千點 港交所(00388)挫逾一成

【下載Yahoo財經APP】獲全球超過1700萬人信任的美股投資工具，跨平台同步你的投資組合，一APP掌握TSLA、AAPL、AMZN等美股最新走勢。