【食長lunch】被上司捉到講大話 可以點做?
喺香港生活壓力愈來愈大,有時候放lunch時,見到公司度門,真係想不顧一切推出去唔好返。
而你有無試過同上司講,我要出去好遠見客,食埋個長lunch先返呢?但其實,你只係為自己想放長lunch,唔想返住,而講咗大話。
小編唔鼓勵大家講大話,但如果真係被上司識穿咗,可以點做呢?
參考外國職場網站themuse文章,你可以有以下做法:
唔好嘗試講多一個大話,仲話其實係見另一個客,爆鑊更大鑊
由道歉開始,坦誠「係我呃咗你」,要俾足面老細
解釋原因,例如你真係壓力好大,晚晚睇新聞睇到失眠
即時提出補鑊計劃,今日會做啲乜乜乜
承諾下次會點,唔會再講大話見客,最緊要明日
如果做齊上面5樣,你上司都係接受唔到,就真係認真諗諗轉職了,小編知道部份老細係一次不忠,百次不容,而且長lunch唔預佢,本身都已經係死罪,無論你點修補,佢都會有偏見的。
===================
19網輕鬆爆料熱線,歡迎舉報老細同事19惡行,立即click入去講畀我哋知啦