雅虎香港財經 魚樂無窮｜風眼股冇值博率勿亂撈（唐牛）
港股炸彈輪流引爆，先有恒大（3333）疑似爆煲，拖垮整個內房板塊之餘，內銀內險物管火燒連環船；然後輪到澳門政府推出修訂博彩法諮詢文件，濠賭股全線冧檔，金沙（1928）更試過單日大插三成，藍籌身價細價股跌幅。
美股、外匯、加密貨幣免費即時報價，自選投資組合獲取相關新聞提示。
最新輪到本地地產股，外電引述消息人士指，中央對香港主要發展商提出新任務，要求幫助解決香港房屋問題，磚頭股跌到反艇，龍頭新地（016）及擁有最多農地的恒地（012）齊挫逾一成，屬疫情級數；恒指成份股有齊上述三個炸彈，不足半個月跌近3000點，變得合情合理。
國策跌等低吸
唔少戰友都問，跌市應該撈乜股，這其實沒有標準答案，一切只看值搏率。有國策支持，但仍然在高位嘅，我不建議呢種市況入場，因為投資氣氛極差，最終難敵地心吸力；跌咗落嚟又有近止蝕位計數嘅，則不妨一搏。至於上述兩段提到的風眼股，雖然價位極低殘，但前景極度不明朗，加上蟹貨太多，反彈力度十分有限，下跌空間卻甚大，我肯定唔會亂搏。真係好想買嘅，寧願等能見度較高才入場，屆時買貴少少都冇謂。
唐牛
fb分享所有直播節目，第一手睇法及冧巴此中尋
IG正式開通，主打吃喝玩樂，將銅臭味減到最低
https://instagram.com/tongcow_88
YouTube開業一周年，繼續在通告尋寶，搵到錢先可以吃喝玩樂
https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
