「國家級」任務？維他奶請公關

維他奶近日出Adv招聘公關，工作內容分別是「宣傳公司形象」

早前維他奶因一紙文書陷入「關公災難」，累及內地產品下架，業務轉盈為虧，市值蒸發。

維他奶內地形象幾乎「破產」，更有不少分析認為維他奶欠缺危機管理意識，直指其公關水平糟糕。

正當大家諗緊邊個可以幫佢起死回生嘅時候，唔知大家有無發現，原來維他奶近日出Adv招聘公關，工作內容分別是「宣傳公司形象」、「執行公司活動」與「計劃夏令學生參觀活動」等等。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

工作內客包括幫維他奶「宣傳公司形象」

維他奶「翻身」大任務

睇職責都係一般內容，幫手搞贊助活動推廣同埋CSR，還有就係負責協助社交媒體回應公眾查詢以及投訴，更新香港維他奶網站等等，但就無提維他奶「翻身」呢個大任務，學位兼3年工作經驗就可以嘗試申請。

維他奶遭內地抵制，屢傳下架兼滯銷

網民質疑點處理？

不過橫睇掂睇，做維他奶公關都應該係一項「國家級」任務，以下一些內地網民質疑司空見慣，唔知面試官會唔會考慮加入考核？

• 如果網民留言「不夠愛國的檸檬茶」，你會如何回應？

• 如果網民留言「吃裡扒外的企業」，你會如何回應？

• 如果網民留言「中國人堅決不喝維他奶」，你會如何回應？

• 如果網民留言「讓維他奶破產！雖然之前我是維他忠粉，喜歡維他奶、檸檬茶，從今開始再也不會喝！」，你會如何回應？

• 如果網民留言「港資企業食品不敢買，維他奶這麼甜，不利於國民健康！」，你會如何回應？

如果自信有能力應付，不妨試試，話唔定人工可以開高一點呢？

相關報道：

維他奶遭內地抵制 發盈警恐蝕5000萬