廣告
香港股市 將收市,收市時間:37 分鐘
  • 恒指

    16,543.59
    -193.51 (-1.16%)
     
  • 國指

    5,785.32
    -62.83 (-1.07%)
     
  • 上證綜指

    3,062.76
    -22.17 (-0.72%)
     
  • 滬深300

    3,577.63
    -25.90 (-0.72%)
     
  • 美元

    7.8209
    +0.0021 (+0.03%)
     
  • 人民幣

    0.9200
    -0.0001 (-0.01%)
     
  • 道指

    38,790.43
    +75.63 (+0.20%)
     
  • 標普 500

    5,149.42
    +32.33 (+0.63%)
     
  • 納指

    16,103.45
    +130.25 (+0.82%)
     
  • 日圓

    0.0519
    -0.0003 (-0.63%)
     
  • 歐元

    8.4957
    -0.0055 (-0.06%)
     
  • 英鎊

    9.9340
    -0.0160 (-0.16%)
     
  • 紐約期油

    82.70
    -0.02 (-0.02%)
     
  • 金價

    2,158.90
    -5.40 (-0.25%)
     
  • Bitcoin

    64,243.23
    -4,035.72 (-5.91%)
     
  • CMC Crypto 200

    885.54
    0.00 (0.00%)
     

【上車背後】80後抽新樓臨場超支 外母借棺材本 :「最重要有個竇」

琴姐女兒去年買新樓,臨場目標預算單位沽清,餘下單位超支,琴姐即場幫手。
琴姐女兒去年買新樓,臨場目標預算單位沽清,餘下單位超支,琴姐即場幫手。

養兒一百歲,長憂九十九。年近六旬的琴姐一家三口住公屋,獨力湊大了兩個女,細女去年結婚,預算600萬元買新樓,無奈抽籤抽到最後無得揀,銀碼超支兩球,首期不足,作為外母的她臨場出手,當時直言「欠幾多,我俾囉!」最終幫補30萬元,在場經紀不禁話「外母幫手好難得」。

琴姐不諱言那筆是「棺材本」,但還不還都不打緊,深明樓價高企,後生仔難借首期,又要供養父母的沉重負擔。

年近六旬的琴姐,20年前因丈夫外遇而堅決離婚,「男人無責任感,無家庭觀念,無用!」當時大女讀中一、細女讀小五,一日打兩份工,清潔、保安、地盤、家務助理,「嗰時阿女成日話做乜搵啲咁辛苦嘅嘢做。我樣樣都唔識,英文唔識,點做到啲唔辛苦嘅工呢!」一家三口,早年租屋,好彩派到上水公屋,捱到兩女出身,幾年前才以折上折購入公屋自住。回望過去,苦盡甘來,感慨辛苦日子總算過去,兩個女都嫁了,大女嫁去英國,細女去年和男友拉埋天窗,但成家就要立室,沒奢望女婿搬來公屋一齊住,當時問他們:「有無諗住邊個地方住好啲呀?」他們都好生性,投身社會六、七年來都儲落約百萬元積蓄,打算買新樓建立愛巢。

細女在觀塘上班,女婿娘家在將軍澳,當時會德豐(020)將軍澳Monterey推出市場「啱哂何車」,入飛抽籤,琴姐仍記得:「當時第1批300幾個單位,8,000幾人抽籤,個女抽到,但揀樓時細2房賣哂,本來佢哋想買2房1廳細啲600萬元以下,臨尾無啦!剩返大2房單位,兩成首期要160萬元,超出預算。我話欠幾多首期,我俾囉!身邊經紀話,咪好囉,外母幫手,好難得喎!第日你哋搵到錢,咪還返俾佢囉!不過我就同佢講,唔好講呢啲嘢住啦。最緊要畀到首期,供得起,我就係咁樣。」

廣告

她坦言無受經紀影響,「自己覺得抽到都算唔錯呀,都新樓盤呀,呢度環境都算可以。我就鼓勵佢哋買囉!最主要佢哋供唔供到,女婿之前都同我講過,如果俾到首期,佢哋都會供到,所以我好放心。」於是斥資約800萬元買入低層兩房連儲物房單位,實用563方呎,2成首期約160萬元,琴姐坦言幫手畀首期,金額約30萬元,她不諱言:「係棺材本來㗎!如果都係唔夠,差少少首期,我最多搵人借,都借到俾佢地。但如果供唔起就無辦法,係咪咁講,我就係咁諗。」

上車決心大到要問朋友借錢?她覺得:「講真,做人來講,一定要有個竇口。以前後生都是租屋住…好多年前派到公屋後,自己有個竇口,先定返好多囉,唔使係咁搬。有層樓真是好重要,但最重要是供唔供到。如果供到,首期唔緊要,我就係咁諗!」單位成交價約800萬元,借8成,分30年還,息率2.375厘計,月供約24,874元,壓測下最低月入要求約59,730元。

女兒和女婿從無開口叫幫手,她語重深長地說:「哎呀,而家樓市咁高,幾貴呀,又要衣食住行,又要照顧屋企,點儲到錢。如果後生啲,真係無父母幫手,惟有佢自己做生意,真係好叻好叻,但有幾多個自己咁本事呢?我女就無本事,只不過打份工囉,所以咪要幫佢囉。」她又稱:「我女婿又要供養佢父母,又要顧其他。我又退咗休,者是話我要個女養,所以佢哋兩個都好大負擔。」

細女安樂窩終於入伙,自稱「低下階層」的琴姐稱:「我公屋個廳大過呢度,覺得呢度又貴又細,可能公屋實用啲囉。我唔識呀,唔好意思,就覺得呢度咁貴,第一時間都唔係好大啫,好唔慣。」還覺得單位露台、窗台及雜物房嘥位,「唔知私人樓係咪咁樣,我唔識啦…大房擺張床後,日後閂窗開窗要擒過張床,覺得唔係好理想。雖然大廈外面好靚,但出面幾靚都唔緊要,閂埋門自己屋企OK咪得囉!」

被問樓市轉勢,會否擔心?她回應:「唔驚,橫掂買咗!搬入去無問題㗎,都係個句,供到就可以,講真好多人都抽唔到。真是到個陣(負資產)再想辦法啦。因為每個父母都想仔女有個竇,特別是成家立室後有頭家。而家起碼有個竇口,我自己就咁諗囉,唔知啱定唔啱。」

琴姐女婿回應,不希望靠老人家,不過最後無辦法,現在感激外母幫了手,希望往後慢慢還畀佢。

琴姐細女去年以約800萬元購入將軍澳Monterey大2房單位,現在入伙。
琴姐細女去年以約800萬元購入將軍澳Monterey大2房單位,現在入伙。
自稱「低下階層」的琴姐稱:「我公屋個廳大過呢度,覺得呢度又貴又細,可能公屋實用啲囉。我唔識呀,唔好意思,就覺得呢度咁貴,第一時間都唔係好大啫,好唔慣。」
自稱「低下階層」的琴姐稱:「我公屋個廳大過呢度,覺得呢度又貴又細,可能公屋實用啲囉。我唔識呀,唔好意思,就覺得呢度咁貴,第一時間都唔係好大啫,好唔慣。」
未見過私人樓,覺得單位露台、窗台及雜物房浪費空間。
未見過私人樓,覺得單位露台、窗台及雜物房浪費空間。

記者:陳家雄
攝影:何耀勤