【中原CCL】升唔停 再破頂又如何?

·2 分鐘文章
Tuen Mun Riverside Park at Tuen Mu day time

新界西樓價距離歷史高位,相差1.41%,未來數周有望率先重返歷史高位,成日講中原城市領先指數(CCL)就快破頂,何必咁認真,將來樓價點走都係無人知。
 

下載Yahoo財經APP
美股、外匯、加密貨幣免費即時報價,自選投資組合獲取相關新聞提示。


樓價愈來愈接近歷史高位,連財爺會要提提大家,樓價距離歷史高位只差2%,即差估署私人住宅售價指數於2019年5月創下396.8點個數字。而另一個樓價指數亦多人關注就是中原城市領先指數(CCL),最新中原城市領先指數CCL報185.68點,按周升0.28%,距離2019年6創下歷史高位190.48點,只差2.5%。其實CCL是否真實準確地反映樓價?

樓價升跌好受成交宗數影響,由於本港樓價愈來愈貴,令二手場入市速度已經慢咗。有代理話,全港50個指標屋苑於5月底至6月6日,共錄148宗買賣個案,較前周已減少13%,創今年2月中以來16周新低。

買賣個案減少咗,只要一兩個買家衝入搶高,自然容易mark高個價。

CCL代表左咩?反映香港私人住宅物業價格指數,數據取自香港100個大型屋苑的二手成交,逢星期五公布一次。指數於1997年7月時定為100點。

重要係CCL指數不是領先,是滯後,換句話係反映已發生情況,對未來不會有任何前瞻性。

CCL根據成已簽訂正式買賣合約二手單位的樓價納入統計(當中大部分是再之前臨時買賣合約),由於簽咗臨約至正式買賣合約大概需時約14天,加上公佈係前一周數據,CCL只反映前三周樓市狀況。

另一問題是,數字只覆蓋中原經紀數目,未反映全港所有代理行數目,以中原代理人數計,只佔全港代理總數近2成,中原曾自稱在港市佔率約2成,所以CCL代表性未夠全面。再者,CCL計算100個屋苑按周價格變動,但變動是否準確不得而知。

所以下次CCL再破頂,要冷靜,因樓價升係過去式。就算CCL升,不代表你住屋苑創新高。就正如好多時恒指明明破咗頂,你揸股票仍原地踏步。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能