【中環打工妹】世界盃開波,交投少但波照睇(袁莉詩)
世界盃賽事開鑼,女士們要陪男朋友睇波,可能要搽多幾層眼霜防止黑眼圈,但莉詩就比較在意每次世界盃帶來的經濟效應,回顧過去世界盃舉行期間,不少主要國家的股市交投量都會下跌,2010年歐洲央行便有研究數據指出,當國家隊出場時,股市交投量下降45%;當比賽進球時,交投量下降5%。
最近港股出現跌勢,恒指徘徊3萬點關口可能與世界盃也有潛在關係,畢竟i-banker、基金經理、分析師、操盤手等都是男人居多,連他們的注意力都轉戰球場,更何況全球散戶呢?
隨年月漸增,世界盃已經形成一套行之有效的盈利體系,莉詩知道不少犀利的足球迷投資者更會把握「世界盃經濟」機遇,一邊睇波一邊賺錢。
從民間來看,電視台賺轉播費,運動品牌賺波衫錢,酒吧賺啤酒錢,還有飛機、酒店住宿、餐廳、紀念品等行業都能從中獲利,心水清的投資者提早買入相關股票板塊,受惠賽事進行期間的連串利好消息帶動,散戶短線入場走一轉,抽些油水應該無難度。
從國家層面來看,俄羅斯在過去五年為準備世界盃工作,幫助實體經濟賺得140億美元,佔GDP(國民生產總值)1%,不止創造大約22萬個就業職位,亦帶動當地旅遊業發展。無可否認,世界盃必定是全球最「吸金」的體育盛事,雖然賽事剛剛開始,但高盛就利用20個統計模型進行分析,得出巴西會贏得世界盃冠軍;瑞銀則採用變數組合(combined variables)和類比試驗(analog test),最後預測德國會贏得寶座。
但無論世界盃結果如何?莉詩認為,波照睇,股照炒,才是快樂致勝之道。
作者簡介:八十後中環打工妹, 英國畢業後回港體驗200呎豪宅獨立生活, 關心Fintech動向, 既愛financial times, 也愛陶傑張小嫻