【中環打工妹】華懋樓都搶，樓市還健康嗎（袁莉詩）

（陳永康攝）

「連華懋樓都搶，個市真係好恐怖。」

華懋新盤「全•城匯」大賣引來部份人士起哄，指樓市開始瘋了，連華懋樓都搶，說樓市準備下滑云云。華懋樓大賣與樓市有無關係，有水晶球都未必答到你。

投資客與自住客從來都有不同需要。投資客看的是升值潛力、投資回報，畔鄰地鐵加上樓市升極都有就知唔會賣得太差，某代理更直接舉牌話「樓市仍健康」、「低息環境持續」。

在投資客的眼中樓市或許仍然健康，資金充裕、息口低、股市欠缺投資機會，統統都係買樓嘅藉口或誘因。

不過好似 Carrie 呢啲自用客，樓市真的健康嗎？以 Carrie 買嘅市區舊樓單位計，樓價約 650 萬、實用呎價約 HK$17,000，以 Carrie 借八成來計，每月大概要供 HK$20,000，Carrie 媽聽到都嚇一跳。

Carrie 與男友月入夾埋雖然都搵唔少，面對呢個樓價但每個要拿 HK$20,000 出來供樓，始終都有少少壓力。如果邊個俾人炒魷魚，都唔可以好似以前咁嘆慢板，要快啲搵返份工先得，唔係財務問題早晚演變成家庭問題。

以 Carrie 嘅人工買樓已經咁困難，更枉論其他打工仔女，難怪我地成日聽到樓價超越市民承受能力。樓市健康嗎？睇你咩角度啦！

簡介：八十後中環打工妹, 英國畢業後回港體驗200呎豪宅獨立生活, 關心Fintech動向, 既愛financial times, 也愛陶傑張小嫻