【中環打工妹】18美元的手機？（袁莉詩）

近幾年「集體回憶」被講到泛濫，不過當芬蘭新創品牌HMD宣布推出Nokia 106 (2018)復刻手機，這部貌似想當年型號8310的「換殻王」，果真令莉詩忍不住尖叫了一下。

曾經在手機產業呼風喚雨的Nokia，1865年於芬蘭成立，最初以伐木及造紙為主，後期開始生產手機，2000年其市值一度迫近2,500億美元，真的勁嘢！

不過，創新科技力量不可忽視，隨著蘋果公司於2007年推出第一代iPhone及韓國三星的Android手機，智慧型手機革命正式衝擊Nokia的市場佔有率，後來全球手機市場競爭愈演愈烈，Nokia一度嘗試力挽狂瀾，同樣研發智能手機，並且轉攻新興市場，然而時勢造英雄，蘋果愈戰愈強，終於穩坐今日的王者地位。

無可否認，「集體回憶」能夠賣錢，現時HMD獲得Nokia授權品牌及部份核心手機專利，除了產品設計，也會幫手做品牌管理、行銷營運。莉詩覺得今次重新改版推出Nokia 106，主打雙卡雙待功能、SMS、基本通話、貪食蛇遊戲，支援2G網絡（GSM 900/1800），但不支援相機及上網，而且只有黑色供選擇。不過，這部手機的建議售價為18美元，折合約140港幣，真的食個Lunch都無咗！

從Nokia 106的手機功能同價格來看，我們可以見到HMD這間手機商自有一套營運策略，希望在手機市場分一杯羹，但同時有自知之明，無諗過要同蘋果及三星對戰，而是穩守產品設計及品牌營銷的優勢，同時與其他手機零件製造商保持產業合作關係，例如由富智康負責生產、售後、研發及供應鏈管理。

莉詩認為，知己知彼才是致勝之道，蘋果iPhone售價昂貴，但其實主力賣給亞洲市場（或者賣給中國土豪），但HMD把Nokia重新包裝帶回智慧型手機及平板電腦市場，售價便宜但可以衝量。須知道，人人都鍾意蘋果，但你估人人都買得起蘋果咩？

作者簡介：八十後中環打工妹, 英國畢業後回港體驗200呎豪宅獨立生活, 關心Fintech動向, 既愛financial times, 也愛陶傑張小嫻