【代理secret】講美人計點少得代理(花生友)
近期興講美人計,在地產行業這個花花世界中,人人金錢掛帥,當然都有唔少人為求搵真銀,而出賣天賦本錢,特別是一些年輕有身材的少女們。記得有位師兄之前提過,公司請咗一個二十出頭的女仔,返工頭幾日已經見呢個女仔工雖然都會著套裝,但就是會迫爆開胸白恤衫透黑Bra再加開叉短裙,一睇就係「戰鬥格」。
旁敲則擊下,師兄發現佢其實已經不是第一次做代理,之前都喺同行其他分區返過工,於是就走去八下咩底細。一問之下,師兄發現呢名女子,過往有刑事紀錄,一直都考唔到牌,全部依靠與同事們合作,而咁啱得咁橋,全部合作的都是男同事,師兄都覺得,有無咁巧合啊。
隔多排,呢位女子終於出手,因為無牌的關係,根本無客肯理佢,咁啱師兄有兩個客在手,於是佢就向師兄埋手,想以師兄完成單deal之後分返些少比佢,條件當然是陪師兄過一晚夜啦,而師兄出名是愛妻號,一口拒絕。不過這名女子死心不惜,再向其他男同事落手,最終都比佢得米,但到頭來分區經理發現此事,即炒!聽講後尾有人見過佢喺旺角一間夜總會樓下撞見佢,好似趕返工咁。
=============================================
中小型代理行大匯集 Yahoo!搜尋器筍盤最多最齊