【企業錢途】轉到Mindset勁過轉運(林苑莉)
上集講到Fix Mindset 及 Growth Mindset的員工同事的例子,相信大家都估到自己係fix定growth,甚至知道自己及其他同事係咩人,今次小妹決定同大家分享下,有咩方法可以脫苦海轉到Mindset置富升官發財,及企業如何畀支援去幫員工更可用人為財。
轉mindset 顧名思義轉到growth就正,不過唔好忘記fix mindset,咩新野都唔想試,有野都no人,要轉超不安,點轉。自轉?得!三步曲!
第一,教自己同提醒自己一步一步改變,例如做錯事可以同自己講今次做唔好,下次再小心啲,而要避免講負面說話,例如,哎呀我咁黑嘅,我係咁㗎啦,我係好論盡㗎啦等等。
第二,多搵機會同朋友去傾自己做得唔好的地方,一來可反思自己有冇其他方法去解決問題,二來可以搵多啲朋友去支持自己走出comfort zone,請留意要搵正面思維的朋友。
第三,保持正面思維及欣賞自己的新嘗試及新行為。轉到,腦細有機會賞識你,升職加人工指日可待。
想改變你同事或下屬的諗法mindset,都得!不過要長做長試,例如去讚賞你下屬所做的好行為,不是其才能或天賦。原因係當你讚你下屬這個舉動,可以令同事有正面支持,下次再做新嘢都畀多幾錢力,起碼做得開心。
其次係每次從小事着手,令同事試新嘢的不安感減少,容易接受一點。 第三,相反可善用Fix Mindset去做某一類型的工作,例如:檢測,驗算,或一定要跟制度做的項目。佢地跟嘢,如果收齊資料收齊命令,真係可以做到滴水不漏,絕對無多無少啱啱好。大家工作會舒服好多,人和就財到。
其實每一個人做事最關鍵係工作可否帶來滿足感Self-Fulfilment,錢唔一定係重點,腦細們共勉之。