廣告
香港股市 已收市
  • 恒指

    16,541.42
    +148.58 (+0.91%)
     
  • 國指

    5,810.79
    +82.66 (+1.44%)
     
  • 上證綜指

    3,025.56
    +14.90 (+0.49%)
     
  • 滬深300

    3,523.43
    +2.47 (+0.07%)
     
  • 美元

    7.8250
    -0.0006 (-0.01%)
     
  • 人民幣

    0.9230
    +0.0002 (+0.02%)
     
  • 道指

    39,807.37
    +47.29 (+0.12%)
     
  • 標普 500

    5,254.35
    +5.86 (+0.11%)
     
  • 納指

    16,379.46
    -20.06 (-0.12%)
     
  • 日圓

    0.0515
    +0.0000 (+0.04%)
     
  • 歐元

    8.4310
    -0.0096 (-0.11%)
     
  • 英鎊

    9.8760
    0.0000 (0.00%)
     
  • 紐約期油

    83.11
    -0.06 (-0.07%)
     
  • 金價

    2,254.80
    +16.40 (+0.73%)
     
  • Bitcoin

    70,475.20
    +842.94 (+1.21%)
     
  • CMC Crypto 200

    885.54
    0.00 (0.00%)
     

【企業錢途】 企業對員工的理財訓練(林苑莉)

「金融理財」呢四個字,新年流流拜年時一聽,又係股票同保險?!立即打哂眼色,同人講不如走先。

其實,呢四個字唔係咁表面,對公司發展相當重要。首先問問大家幾條問題,員工同老闆都可以睇睇:

第一,你有否覺得身邊的八十後或九十後,經常轉工,工作不穩定?

第二,身邊的八十後或九十後,多數是月光族,未到月尾已經冇錢?

第三,八十後或九十後,經常為一二千蚊轉工,做多少少都唔願意?

第四,你身為老闆或者同事,安排工作畀呢類人做,經常心驚膽顫?驚佢做到一半就唔做。

如果你以上皆是,恭喜你,你看透世事了!因為情況已無得再差。

其實,公司最重要的資產是員工,員工的流動率高低直接影響公司營運。聘請八十後九十後員工好多時無可避免,面對員工每每出完花紅仲要同你講數,甚至講再見,結果公司重新陪訓及招聘費用,得不償失。

因此,老闆們要解決問題,最重要是做員工理財培訓。說實在,員工夠錢,點會想閃?又或者唔等錢使,又點會咁急轉工? 理財不只是股票同保險,而是你公司的切身問題。

員工收入有了,如何有效地分配,儲蓄(長期、中期及短期目標)、安排日常支出、教育或進修?還有健康管理及責任安排(保險)、交際應酬(商會、朋友及拍拖)、緊金儲備(約三至六個月月薪),甚至有信仰的朋友的十一奉獻等,都是你可以關心的事。

一般建議儲蓄比例約20-30%(長期、中期及短期目標),日常支出25%,教育或進修10%,健康管理及責任安排5-10%(保險),交際應酬 10-15%(商會、朋友及拍拖),緊金儲備(約三至六個月月薪)比例隨心,唔需要多,但一定要有。

廣告

健康管理是指運動及健康責任安排,因為運動好,個人健康,工作先會有好機會,重要到不得了。至於健康責任,就係買唔保險的範籌了。一般識做的老闆,可以公司買group medical,可算係平靚正。不過員工一旦離開公司,保險又要自己負責。

還有就是進修與緊急儲備,員工可唔可以冇收入都頂半年?好花不常開,好景不常在,做事一定要有plan B。

上面說的很基本,但不是個個員工都可以實踐。其實,世界不少地方的員工理財教育都不夠,一般只靠原生家庭父母教導,所以很多時就抄足了父母輩的那一套,成效自然參差。

員工絕對有自由理財,但一做得唔好,個人長期糧尾,心唔定,自然容易犯錯,影響公司亦影響他自己。

所以,老闆們不妨深思員工理財及財富管理之道,關心下班細,既然等錢使,不如一齊努力;二來員工懂理財,不再衝動做決定,眼光都會放得遠,不會為一二千蚊, 突然轉工玩死你;三來,老闆做到真正了解員工,員工自然唔再以錢為前途,如千里馬遇百樂,大家識英雄重英雄;四來,公司流失率低,政通人和,財源廣進,你話係咪?

作者簡介:筆者林苑莉自命為烈女,原以為可不婚不生,不過5年後現為一個小師奶,嫁左一個荷蘭大叔,生了兩粒荷蘭豆,創建4間公司,上年於68個國家中贏出 全球青年創業家大獎,現為香港華人青年企業家協會會長,香港金融理財知識和能力策略的大使,每日在影響過千人,望成為一個能因材施教的教育家,希望人人 的生命有不同,有選擇。錢可算是一個重要學問,理財不一定只是搵錢。如何用,公司點用,學生點用?我希望出一點力,人人都可用自己的創意找生活空間。