【企業錢途】 員工教極唔識點解決（林苑莉）

“Tell me and I forget, teach me and I may remember, involve me and I learn.”― Benjamin Franklin

員工培訓，上至上市公司，下至微企，都為重要。不過管理人識跑數識做不代表教人有一手。企業人才流失最主要的原因，大多數是直屬上司的管理能力或處事能力不佳。老闆好多時都要到個別員工，走了才出手，留到人的機會相當低。

教人其實有幾個心法，筆者最愛Benjamin Franklin 的金句，Tell me and I forget, teach me and I may remember, involve me and I learn.”

好多人以為講咗一次，同事會明，識做啦！其實教人，不一定只用講，因為講，其實是單方面，對方明與唔明，未必清楚。明白跟有冇心想做，管理人就算見到，都好難處理。

最常見教人的問題，負責教的以為自己講咗，教咗好多次，不過佢都唔識，又唔記得！唔記得！你成日都要同佢講：「又唔記得。」

不論管理人，老師，家長，年中講到口臭都係呢一種。但大家有沒有反思為何受教的不跟從，唔記得？其實不是不記得，而是教的，沒有處理最重要的關節 – 做的原因及好處。人的記憶分長短期，講，做好多時都係短期記憶。長期記憶最重要是記入腦時，要有意思有原因，有結構。所以教的時候，一定要講得清楚原因，唔可以一開始就：「你做啦。」

最重要及最有用的方法係，讓受教的人，參與事件，參與 – 可以讓人明白當中的意思，點做，明白及清楚事件的處理方法。不論員工甚至學生，佢地都會明，試過，而且會見到管理人或家長對佢的重視。Respect 比任何的獎勵來得更重要。