【企業錢途】 1分鐘內要知贏幾億(林苑莉)
每一間企業,如要成功,在開始之先,必須要有一個完整完善的Business Model。Business Model呢個2H1T 可以於1分鐘內知道盤生意得定唔得。大部投資人,甚至股神都會用呢個圖,喺心度計一計,齊唔齊,有冇機會贏,而老闆們都應要定時審視自己的生意模式,打工仔識得來就可以知間公司長命與否。
一門生意,不單是明買明賣,其實有好多部分令你贏或輸。打一個簡單比喻,買一杯咖啡,喺麥記買同喺星巴巴買,杯嘢分分鐘一樣,但點解大家都願意俾多十幾蚊,死都買杯貴少少。為個紙杯靚?係因為成件事價值不一樣,個型字值多個十幾蚊。而價值 – 就係圖中Value Proposition的一大格。
不如簡單同大家講下呢個圖點填
Strategic Partners : 生意上的貴人同 戰略合作伙伴 (包括你生意上的上下游供應商)
Key Activities:你生意上提供的服務和產品
Key Resources : 生意上任何資源,人力物力物流
Value Proposition:公司可提供的價值
Customer Relationship:公司同客戶的關係建立及系統
Distribution Channels:你的客或服務點到客戶手中,散貨途徑
Customer Segment:你的客戶群
Cost :支出及成本
Revenue:收入及盈利
要贏第一步,首先齊哂咁多格先,仲要填對。因為無論產品服務幾好都好,例如你客戶群不對,始終客戶不對,不成功的。有人試過,填漏人手人力條數,輸得幾慘。完整的Business Model 只是第一步。
第二步,腦細要不停審視每一格有冇新野,可唔可以有進步空間,增加贏的機會。呢個表最有趣的地方,你可以睇好多公司佢贏未必係佢的本業,以麥記為例,俾大家估下佢贏係唔係真係賣麵包?麵包係一部份而已,主要係物業及加盟收益。
第三個,公司要開始有短,中,長期財務目標,開始玩資產階梯,融資,合併,上市等,將公司推至最高,詳情下星期的企業錢途再講。