香港股市 已收市

【女人錢易賺?】寧要港姐 唔要莎莎(余家恩)

莎莎國際(00178)周三(2月21日)宣布敗走台灣,集中資源發展中港市場及網購業務,止蝕好消息公布後股價都無乜點郁。而另一邊廂「港姐股」彌明生活百貨(08473)同日爆升48%,股價周四繼續升,上市一星期股價已翻一番。

兩隻「女人股」,港女會點揀?

「前輩」莎莎在台灣市場表現疲弱,其實難怪誰,因為當地藥妝店成行成市,競爭激烈,加上當地人消費力不高,內地訪台旅客大減,集團在當地錄得連續6年虧損,蝕足2億,今次止蝕其實係明智決定。莎莎去年9月止中期業績,期內營業額雖然錄得增長,但港澳業務下跌8%,同店銷售按年跌2.1%,在在說明其業務有多少停滯不前。

事實上莎莎的確今時不同往日,回想當年,筆者同所有Girlfriends港女為買日本藥妝水貨,一入莎莎如入黑洞,起碼要逛一粒鐘先重見天日,荷包亦一定輕咗!但今時今日,港女還喜歡逛莎莎嗎?答案一定係NO!

水貨Out咗啦!

無他,今日的莎莎已經被二線內地客攻佔,不少港女寧願去屈臣氏、萬寧都盡量少去莎莎,反正護膚品牌如天上繁星,唔幫襯莎莎一定無損失。咁一線內地客呢?老實講,內地富豪女士消費力比港女更高,近年大品牌搶佔不少市場份額,有錢的都去連卡佛買La Mer啦,仲點會逼入去莎莎買水貨?

所謂「有麝自然香」,袁彌明說過暫時不會考慮進軍大陸,因為不想符合內地要產品做動物測試的政策,其實反正內地人喜歡來港掃護膚品,只要品牌做得好,紮根本土一樣賺到人民幣,或者「港姐股」已經用行動證明,唔入大陸,生意一樣能夠做得出色。

完美肌膚要「有機」

另一個長江後浪推前浪的原因要數到護膚潮流,這點就要由本地「小資女」解釋,皆因近年坊間愈來愈多品牌被驗出含防腐劑甚至致癌物,荷包負擔得起的話,都會買標榜有機、無添加的牌子。不是說莎莎沒有健康品牌選擇,但其「水貨之家」形象太深,真係好難洗底。而港姐標榜賣的是無害護膚品,形象較正面,小資女花多少少錢都覺值得。不過不過,近年市面上都有不少本地小店引入新品牌,消費者選擇多,如何建立客戶對彌明獨家品牌的忠誠度,相信都考起港姐。

網購競爭國際化

女性消費特別重視口碑,花錢前一定做功課,格價還是其次,最緊要比較邊樣產品最好用,袁彌明多年前創業已親自上陣拍片介紹產品,有「港姐Q嘜」認證的Online marketing做得出色,攻陷OL無難度。相反莎莎則給人感覺嚴重食老本,新舊思維高下立見。

特別一提係,因跨境網購愈來愈盛行,世界各地化妝品差價愈來愈少,賣水貨起家的莎莎受網購衝擊大,即使集團表明未來會聚焦發展網購,條路亦唔易行。但又別以為彌明在這方面有優勢,同一個道理,當小資女能夠在ASOS、Sephora、iHerb、Gmarket等大型網站買到荷包乾塘,其實護膚市場競爭真係「國際之癲」,所以話女人錢易賺?其實一啲都唔易啊!

作者:余家恩
財經半桶水的崇洋港女,醉心瑜伽,出入中環健身室,擅長偷聽賓架吹水。

19+精選推介

疑似醫院員工 自爆得20蚊利是被起底

「請不要叫我牛郎」 直擊夜場男公關工作

【有無咁好景】一過完年公司有三位同事遞信

洗衫唔記得拎走紙巾 呢招救你一命

出街執垃圾 係北歐最潮減肥法?

商經局高官造型被恥笑 可以點搞?

大公司春茗要自費$180 員工呻貼錢開年

巨富派開工利是$20 員工:慳返個利是封吧

冬奧側寫︰冰壺點止捽捽捽咁簡單?!

肥仔都是潛力股 留鬚變男神

港交所…你無做錯到﹗

黑豹先係美漫世界首富?

【鐵漢柔情】好爸爸陪愛妻水中生產 百萬人欣賞

外國研究:咀嚼聲可影響工作效率

霸氣女遊日拒代購 一句KO麻煩友

狗年市道旺 最旺「IT狗」