【柏傲莊III效應】中原CCL快破頂 更多人唔結婚 唔生仔？

中原CCL指數距離歷史高位只差3%，樓愈來愈貴，低慾望風氣下，不打長工，不消費，不買樓，最終是否又影響樓市需求？去年香港人口負增長，香港結婚及出生數字持續新低，又關樓價事？

下載Yahoo財經APP
美股、外匯、加密貨幣免費即時報價，自選投資組合獲取相關新聞提示。

香港人每天唔係考慮移民不移民，就會諗買樓唔買樓好，財爺陳茂波都話樓價較歷史高位僅低2%。如果樓價今年再破頂，社會深層次結構矛盾又再激化。

低慾望的「躺平」風氣不單橫掃內地、南韓、日本及香港，其實不是「廢青」不努力，只是努力與回報根本不成比例。無論你多努力，有天你最終發現日日準時番工搵食，都係儲唔到首期。香港人不吃不喝21年才買到港樓，就算上到車，一世人就服侍這兩個老細，老婆同層樓。

其實香港只有三大類人才有樓係身，第一屋企本身有樓或有父幹，即全港有121.7萬個家庭擁有自置物業，財富及物業由一代傳一代承接。有人甚至可以未出世已有幾層樓揸手。

第二類人，就是憑自己實力賺幾桶金上車。天生聰明，就是運氣，佢地多數話自己努力得番來，不過，其實唔好忘記，係時勢造英雄，在吃香行業發光發熱，社會俾機會你，如果你的專才係沖奶茶，好難年薪幾百萬，而大部分人鞠躬盡瘁都係平淡一生。第三類明顯是外來有實力人士，財來自有方，不用多講。

樓價高昂造成「反需求」問題，由於樓太貴只好租樓，薪金大部分交咗租，少咗錢儲首期之餘，連結婚及生仔慾望開始消散，港人「愛情動作」次數全亞洲尾二。就算有得供樓可能要減少其他支出，生仔都要想前想後。

講番吓驚人數字，去年香港結婚登記數字只28161，按年大跌36%，是17年來新低，除了疫情因素，相信有其他經濟因素。香港的總和生育率係去年跌至869（每千名女性（不包括外籍家庭傭工）其一生中活產嬰兒的平均數目），打破了過去五十年最低記錄。

一般而言，結婚同生仔，都刺激住屋需求，是正常經濟及人類活動，但樓市畸形發展，樓價超出一般人負擔，令人不想結婚生仔，怕負擔不起。未來更多社會及經濟勞動力問題出現。最終又影響番樓市需求及價格，無限輪迴，可能真係要其他有能之士支撐香港樓市。