【樓市贏家】想住得舒服?這些事住落先知中招(徐峰)
好多時去租樓,大部份人都係留意單位是否新淨,間隔是否實用,價錢抵唔抵,大廈四圍環境如何,這些因素基本上你有去睇樓都會知道,不過呢,有些問題真係住落先知出事。
話說有個朋友,早一年搬出來自己住,去睇樓時覺得環境尚可,價錢合理,就二話不說租了。初時諗住有個安藥窩,點知入伙當晚,瞓到兩點幾聽到出面有人大大力關門,四點幾又來,跟住晚晚重覆同一時間,同一件事,隔了一個星期,佢終於忍唔住問看更,看更話,個單位係一個單身漢住,晚晚好準時就會落街食宵夜同買啤酒,投訴好多次都無用,結果朋友選擇戴耳塞瞓。
又過了一排,有一戶新入伙,今次係一家3口加隻狗,本身個朋友都算有愛心,不太抗拒小朋友,但係可能個小朋友比有點兒頑皮啦,每日放學阿媽由做功課開始鬧,鬧到食飯再鬧,叫佢去瞓又鬧,個阿媽仲有包租婆咁好宗氣,但自己未瞓又無理由塞住對耳,但唔塞又好煩,選擇自己一個人住都是想過清靜日子,點知搞成咁,所以呢位朋友都決定未完生約便提早搬走,去揾個每層少啲伙數的地方,中伏機會都比較細。
不過有時聲音都未夠慘,話說另一個朋友隔離屋,應該係個神婆住,由朝到晚都點香,佢都明白這個是宗教的選擇,但佢點的香唔知是點得太多,還是某種香的關係,成條走廊都充滿住一種好奇怪的味道,左右隔離甚至有懷疑過佢在單位內食大麻,所以那層樓的人長期都會打開防煙門吹走陣味,但其實又係一件好危險的事。所以話,有時揾樓,鄰居係一個好重要的因素,但又偏偏真係住落先知。
=============================================
中小型代理行大匯集 Yahoo!搜尋器筍盤最多最齊