【樓市贏家】樓價未跌 只是時辰未到（徐峰）

數個月前，個個唱好樓市，各大發展商、分析員都一致認為樓價仍然有升無跌，不過，踏入下半年，未見「七翻身」的同時，龍頭屋苑先後有業主劈價沽貨，月內數個大大小小的新盤，雖然未至於滯銷，但氣氛明顯大不如前，是政府換屆影響？還是加息、辣招因素陸續浮現？或只是購買力已消化得七七八八？雖然未有絕對答案，但至少可肯定的是，樓價並不會只升不跌。

還記得今年初，樓市一片大好，二手業主叫價進取，但買家仍然樂意奉陪，追價一百幾十萬入市屬等閒事，而且日日有新高價。不過，事隔數月，過去兩個月二手成交急挫，有人就解釋為新盤分散市場注意力，但說到底，不少地產業界人士都指，現時業主心態仍雄，但買家已無意再追價，這才是成交疏落的原因。

要賣樓就要變陣，市場就有部份業主開始願意減價求售，就如太古城這類龍頭屋苑一樣，過往有貨在手就好像神一樣，買家要講價就請你「過主」，不過，早排就有位業主，放盤短短兩個月，就減價近300萬，足足超過兩成，以1000萬多少少沽出一個三房單位，雖未至於好平，但都算低於市價。這件事，明顯已經反映，市場並非無購買力，只有買家已經不是幾個月前的「傻仔」，開到天價都願意高追入市。

新盤方面又如何呢？還記得過往幾年，樓市雖有上有落，但每次長實、新地兩位大佬一齊推盤，鬧個你死我活之餘，亦都吸引唔少人搭順風車，成交「撻著」樓價，不過，今個月呢兩位大佬推盤，未能成交令樓市更上一層樓之際，似乎還少些少自身難保的味道，雖然未去到賣唔出的地步，但賣樓氣氛比起幾個月前，已明顯變得冷清，而同期推出的兩個港島細盤，銷情就更加不值一提。

睇返CCL表現，過去三個星期就兩跌一升，雖然仍然處於高位，但走勢就變得反覆，而行內唔少人都講，下半年樓價升幅會少於上半年。到底是升得少，還是會獲利回吐？大家放長雙眼睇清楚，但筆者仍然覺得，樓價始終是有升有跌，若然未跌，最多只是時辰未到。