【樓市贏家】綠表王的尾班車(徐峰)
現時最貴綠表居屋接近800萬元,呎價超過12000元,逼近私樓水平,但同時,市場都有個別綠表居屋要劈價出貨,到底,除了地點、景觀等條件之外,還有何因素成就一個居屋王的誕生?答案很簡單,就是樓齡!
可能大家會話:「徐鋒你又講廢話?係人都知新樓一定賣貴啲啦,至少保養都好啲,設計又新」這些當然是決定一層樓的樓價的主要因素,但筆者想說的,並非如些。在現行政策之下,公屋客以綠表身份購買一個未補地價的居屋,其中一個著數當然是無須補地價,變相可以優惠價買樓,市價六、七折屬等閒事。
而更重要的一個著數,就是由政府做擔保,向銀行借最多九成半的按揭,不過,大前題是,你所購入的居屋,樓齡必定要在20年以下,若樓齡超過20年,銀行一般最多只會承造六成按揭,即是說,你要付出之首期,就要是樓價四成。
若以一個400萬元之單位計,如果樓齡在20年以下,借盡九成半按揭,首期只要20萬元,連同代理佣金、厘印等,未計你要裝修買傢私,使費就要34萬元,但如果你買的單位,樓齡超過20年,銀行只可做六成按揭,首期即是要160萬元,連內其他雜費,一共要174萬元,足足是買20年樓齡以下物業的5倍有多。現今一個一個普通家庭首次置業,最大問題當然是首期,故首期當然越少越好(但你必需有足夠的供款能力),因此,同樣是綠表居屋,身價就大有不同。
好似早排將軍澳頌明苑一個400幾呎單位,由於樓齡已有24年,買家要俾四成首期,所以業主開價380萬無人問津,最終綠表成交價只係300萬多少少,呎價都只係7500幾,反觀,樓齡16年的寶盈花園,綠表價就做過接近萬一蚊,比較近期就有一個420幾呎單位,賣出425萬,差不多一萬蚊一呎,同頌明苑呎價差距有成三份一,不過,計返首期就只要42萬,比起買頌明苑的首期120幾萬少一大截。