【水能覆舟】監管機構出來的賺錢精英(渾水)
同期朋友在港交所做MT,差不多完成rotation,要選定一個department落戶,自然講起:「做IPO好還是做Listing好?」
首先,我估佢唔會做死一世港交所,儲夠經驗後都會走人搵真銀,所以而家揀咩行頭就好影響佢之後的錢途和事業發展。尤其是佢做監管機構那一方,本身skillset已經強過同期ibanker,更重要係佢一定熟內部人脈、內部運作,甚至規則的鬆與緊和考慮條件。這是無可比擬的,我都很愛結交這類朋友。
論行頭,早幾年做IPO真係可以刁接刁咁做,因為興啤殼,雖然大塊頭也來港上市,但而家香港總集資額排名正慢慢退。做listing則不同,全香港有2000間上市公司,如果入到一支team常常有怪刁或賊刁跟進,咁learning curve真係可以幾何級數上,而且做listing,你會學識配股、供股、收購、全購、重組,簡單至董事任命都識晒,係一個更全面的skillset。
朋友有意追求一位長得幾可愛的大行分析員妹妹,妹妹不太理他。妹妹不懂,朋友現階段搵錢可能不夠大行多,但之後佢會係大行最灸手可熱的人才。他現在是細價股,但未來就是騰訊了。
港交所如是,另一監管機構亦然。曾有一位跟我同initial的律師入了去做manager,學懂所有東西後自立門戶開律師行,主力提供法規顧問服務。當年他打過的大戶,由於深知他實力,不少都做他回頭客聘請他做顧問。至於他搵多少?聞說是斷鐘計,兩個鐘收十多萬。
現在監管越來越緊,變相內部人才流失會加快,因為入面的人都係當去了少林寺練武功,辛苦捱幾年,然後學滿師成自然落山搵大錢。