【無樓又點】願「窮」一生演戲
興趣並不廉價,至少曾是中學戲劇組成員的周嘉全(Alan)是這樣認為。Alan中七畢業後,沒有像同輩一樣繼續讀書進修,富有表演慾的他反而繼續堅持自己的興趣,走上演員的路。即使遭受旁人白眼,Alan只是一笑置之,相信自己「只是做一些別人不敢做的事」。
為了在經濟上可以支持自己追夢,Alan畢業後做過幾份全職,雖然當中遇過伯樂,有機會升職,但Alan目標清晰,認為在演戲中才可發揮自己長處。
中學已確定演戲目標
末代高考完結後,同學們都傾向繼續學業,只有Alan果斷地走入社會大學,「其實以前嘅同學好多都好有表演慾,又玩drama又唱歌,但而家個個為生活去做地產、金融、銀行,其實我只係做他們做不到或不敢做的事。」
眼見當年讀副學士的同學都可升讀大學,但Alan無悔當年選擇,「我最想係做戲,我睇唔到讀大學對我有咩幫助,同埋讀大學要錢㗎。」自小在單親家庭長大,Alan亦不願家人為其繳交學費,加重負擔。
故畢業後,Alan打過幾份全職工作,即使有升職機會,他亦未有動搖。每次他跟老闆說為了做演員而辭去工作,對方及同事都會很驚訝,「有次上司把我的離職原因寫成『想做artist』,全公司嘅人都知,但他們笑我我會care咩?我唔會㗎。」
21歲成特約演員
Alan十九歲上方法演技班時,跟過鍾景輝(King Sir)和他的徒弟學戲後,認識到自己最真實的一面,更加愛上演戲。十九歲的他人生閱歷不多,因未能完全掌握演戲中的所有情感,被當頭棒喝,加上King Sir徒弟的一句「見識少」,他便毅然花上六萬元的積蓄,到英國流浪一個月,豐富人生經歷。
雖說失敗乃成功之母,但面對兩次投考藝員訓練班失敗,Alan也曾質疑自己的能力,「嗰陣真係好灰㗎,份稿又畀King Sir執過,都唔知衰咩?」振作後,Alan認清自己高大是一個長處,便由大半年前開始健身,「我個樣唔係話靚仔,但起碼高大夠正氣都係優點。」
所以,他決定以特約演員向目標進發,「我嘅目標係二十四歲前做到特約演員,但我二十一歲便做到了,有對白對一個演員來說真係差好遠。」他又勉勵自己,即使五十歲才出名亦不要緊,「吳鎮宇都考咗四次藝員訓練班,周潤發、周星馳、林家棟,他們也等了很長的時間。」
月光族不敢想買樓
即使成為特約演員是一個進步,但工作始終朝不保夕,Alan要靠做兼職幫補生計,難免沒能力畀家用,「全職有家用,但我而家一個月一萬都冇,係月光族,最初二家姐好憎我,覺得我對屋企唔負責人,但而家都慣咗。」幸好,Alan的父母態度開放,他的大家姐和大姐夫亦非常支持他,「做舞台劇嘅時候,大家姐、姐夫和朋友都出席支持,他們好錫我,我好感動。」
如今每月收入微薄,他坦言不敢想買樓這個問題,「即使將來要買樓,都只有做演員這條出路,因為這是我的長處。」
半分鐘答問:
【無樓又點】系列,逢星期四刊出。