香港股市 將在 7 小時 45 分鐘 開市

【異動尋寶】中期選舉前 美股巧妙地狠跌了…(魏力)

救市效應曇花一現 恒指「跌凸」瀉806點

個市一日挾600,一日插800,各位心裡可能會問:「救市無效了?」魏力的答案是:「人哋係救自己個市,唔係救你個市喎!」你望吓A股,由上週五低位狂挾8%之後,昨日滬深股市只係回咗2%,明明就是大漲小回,豈能說救市無效了?

可惜的是,各位投資的不是A股,而是「孤兒仔」港股,屋外風吹雨打,雷電交加,可憐的港股瑟縮在門口,只能硬食,雙腳發抖。屋內人食飽飽,有剩餸先拎出門口,港股唔餓死已是萬幸,想豐衣足食?還是等外面天氣好轉,先出去自己搵食吧!

其實,有經歷過2015年股災、2016年初「熔斷」一役的戰友,應該會明白,對港股來講,大陸每次救市都是陷阱,見反彈如狼似虎,以為「中國好、香港好」,無貨手痕玩兩手,轉眼又唔見一萬幾千;本身已蟹貨纏身,見救市以為自己個倉有救,忽然貪婪起來,加注溝貨博快點返家鄉,結果毋須多講,有眼你睇。

另一方面,距離美國中期選舉還有兩星期,美股巧妙地開始狠跌起來,油價更是忽然大散半成,金價又再成為避險天堂。成個棚就係一個美股見頂、經濟開始唔掂的模樣,是華爾街大佬開始為民主黨造勢?抑或真的只是巧合(適逢美股業績期)?無從稽考。將股市漲跌當成政績的特朗普,假如美股在選舉前大冧,將會重擊其罩門,對選戰結果確有關鍵影響,難怪特朗普又要再開減稅的期票了。

又假如共和黨選戰失利(如失去眾議院控制權),特朗普很多施政可能受阻,但這不代表貿易戰會緩和,相反,特朗普或會再玩盡啲,務求在餘下兩年任期內擊倒中國,向選民作交待。再退一步想,即使兩年後民主黨再上台,又會否將貿易戰、經濟戰這個大國策推倒重來?

www.facebook.com/2012jason