【異動尋寶】今次牛市真會雞犬皆升？（魏力）

市況很簡單：揸重磅藍籌騰訊（700）、滙控（005）、建行（ 939）笑呵呵，其他二三線多數悶到瞓着，無咩好炒。 同不少戰友傾開，目前揸爆倉的都不少， 但由於沿用以往牛市的炒法，將過半資金投放在細股之上， 博牛三雞犬皆升時喪賺一筆，但由於牛二（即係依家）太過慢長， 唔少人手貨坐了幾個月，股價低位紋風不動還好，個別更受累6月細 價股災，賬面捱價不少，再望住指數升完再升，可說有苦自己知。

目前情況係，經濟開始復蘇，但全球放水十年，收水步伐相當緩慢， 令到大批資金追捧一小批率先復蘇的龍頭股、增長股， 龍尾股業績尚未改善，加上貨源疏落，大戶想買都買唔得多， 受冷落不難理解。傳統智慧告訴我們，牛三會百花齊開、雞犬皆升， 但傳統智慧未經歷過十年量寬的考驗，今次是否按正常劇本去行？ 魏力是有點保留。或許牛三尾段，細價股真的會有大炒一鑊， 但時間相信極短（或以日計），而當時操作應是減持大部份持倉， 而非跟入一齊癲。

大市要再上一層樓，內銀股必要作出貢獻，招行（3968） 剛公佈驚喜的中期業績快報，上半年純利按年增長11.4%至39 2.6億人民幣，較四大內銀近年1-2%增長，可說是高出太多。 單計第二季更按年增長14.2%， 反映上季招行盈利能力進一步增強。盈利數字較普遍大行高出近1成 。

其他亮點包括：1. 第二季股本回報反彈0.5個百分點至18.4%，是5年來首次錄 得按年改善；2. 資產質素強勁，不良貸款率進一步按季下跌5個基點至1.71%， 是連續兩季錄得下跌；3. 第二季存款按季增長5.4%，貸款比率按季跌2個百分點至85%。以上均反映招行的經營能力、資產質素均顯著改善， 難怪股價昨破頂抽升。

彭博綜合券商預測，現價招行2017年預測市盈率8倍，市賬率1 .2倍，股息率3.7厘，對比其增長潛力仍屬吸引，中線有望上試 30元大關。

www.facebook.com/2012jason