【異動尋寶】兩隻基金股 破位展升浪(魏力)
大市破位再上,再望升跌股份比例意義不大,皆因證監落重藥DQ空 殼股之後,大家發現所謂「殼價」已名存實亡, 就算隻殼清得幾乾淨,證監一樣可以「業務規模、 資產不足以維持營運」來下令股份進入除牌程序, 再博呢類股份可說九死一生,故此近期不論大市升跌, 總有一大批細價股向下殺,令到市寬長期欠佳。
不過,只要ignore呢批股份,各板塊確是旺到不得了, 呢頭滙控(005)回氣,騰訊(700)就單天保至尊; 這邊廂資源股調整,內房、汽車又衝個不亦樂乎, 連航運股都大翻身,看來這個由盈利推動的牛市,仍有一段路要走, 唯有較擔心是下月美聯儲料開始縮表。由於縮表史上首次, 市場反應難料,加上全球股市今年屢創新高,借勢調整絕不為奇, 故此8月業績期後的市況宜較為小心。
各板塊龍頭炒了成個月,資金有追落後跡象,今日畀兩隻大家參考:
第一隻是藥明生物(2269)。6月掛牌以來拾級而上,最高炒到 38.7元,較招股價20.6元漲88%, 之後反覆回落了大半個月,去到32元水平才找到支持,昨「 破腳穿頭」回升,似已重整旗鼓,準備進入第二波升浪! 股權披露顯示,僅21%藥明股份存放於CCASS, 當中首十家券商已佔91%,要舞起可說易過食菜。
第二隻是長城汽車(2333)。龍頭吉利(175)、華晨(11 14)喪炒之後,資金開始注意到上半年業績稍遜的長汽。 季績快報後,近期報告有「點石成金」威力的摩根士丹利, 出報告指長汽最壞時期已過,建議增持,目標價13元。 除有大行報告護航外,長汽累積逾5.5億股淡倉,佔流通股比例1 8.03%,涉資55億元,即平均每股空倉成本10.12元。 昨日急升後,淡友賬面開始錄得虧損,一旦捱不住平倉, 上升動力將非常強勁!不妨買定等睇好戲。