雅虎香港財經 【異動尋寶】港股忽然殺落 搵食如何操作？（魏力）
恒指向下突破，急瀉337點，失守二萬四，今次堅殺穿的機會頗大。 三個原因：第一，宏觀因素去睇，美國再加兩次息就縮表， 雖則聯儲局都唔敢大刀闊斧去做，只會慢慢收水， 對個人影響只會慢慢浮現，但短期市場一定係驚咗先。 中國首季GDP達6.9%，遠高於全年目標6.5%， 之後三季有條件減速，亦對中港股不利。仲未計法國大選、 北韓金仔、叙利亞等等，不明朗因素甚多。
第二，應也是重點，就是港股首季表現得太出色，跑贏大部份主要市場，而美股、日股以至A股今個月跌了不少，但港股仍在高位徘徊， 短期其實有不少追跌的空間，早兩星期先由二三線等板塊開始洗， 如今終於輪到指數，23800首個支持，如失守再落， 可能要睇23500。
第三，睇埋幅圖，恒指近日波幅開始加大，每日都有200至300 點波幅，波幅指數亦不知不覺，由月初的12緩步爬升，昨半日再升 5%，去到15.45，代表未來波幅將進一步擴大，以目前形勢睇 ，向下的機會是高於向上。
如戰友短線也同意是看跌，指數股暫宜避一避，進取一點可揀弱勢藍 籌攻擊，如港交所（388）。揀二三線股搵食的難度頗高， 而睇圖的話，首先可留意昨日在其他專欄推介的味千中國（538） ，弱市下繼續上衝，突破上日高位，MACD雙牛擴大， 似有挑戰3.7水平之意。第二隻係上週在本欄有提及的華顯光電（ 334），跌市之下，昨突破前高位再展升浪，拉遠幅圖去3年，去 年2月以來形成一個大W形，今番突破頸線阻力，好戲似在後頭。
