【移民海外】帶著iPhone去移民 留心「無得整」風險

·3 分鐘文章
【移民海外】帶著i-phone去移民-留心「無得整」風險
香港發售的雙實體SIM版本iPhone,原來潛藏海外無得整風險

Apple Store遍佈全球,似乎可以放心帶著iPhone去移民,但原來有一項因素,會令你面對iPhone「無得整」風險。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

雙SIM卡的代價

近年iPhone新增雙SIM卡功能,更貼心地為中國大陸及港澳用家提供可以裝兩張實體SIM設計。兩張實體SIM好處係你可以將一個電話號碼用作工作,另一個電話號碼用作私人用途,亦可以將語音及數據計劃分開,到海外旅行時亦可按需要使用當地電訊商SIM卡節省上網費用。

參考蘋果香港官網的說明,現時提供雙SIM卡機款包括iPhone XR、iPhone XS Max、iPhone 11、iPhone 11 Pro、iPhone 11 Pro Max、iPhone 12、iPhone 12 Pro、iPhone 12 Pro Max,涵蓋香港最受歡迎的iPhone機款。

不過雙實體SIM版本係中國大陸及港澳限定,海外版雙SIM就採用SIM卡加eSIM設計,兩者的分別就帶來維修問題。有iPhone 11 Pro用家已加購Apple Care+,移居加拿大多倫多後某日部機開唔到,拎去Apple Store維修先知道因為係雙實體SIM版本在當地無得整亦無得換機。最後唯有暫時買部iPhone SE用住先。

【移民海外】帶著i-phone去移民-留心「無得整」風險
加拿大蘋果官網列明iPhone 12 Pro及Pro Max採用SIM+eSIM設計

直接致電蘋果香港客服查詢,亦確認因為雙實體SIM與SIM卡加eSIM分別,港人熱門移民地區加拿大及英國都無得整。解決方法係寄返香港整,按官網說明,聯絡香港蘋果要求維修後,你會收到送修包裹,按指示整理iPhone及包裝iPhone後就可以寄回蘋果安排維修。

【移民海外】帶著i-phone去移民-留心「無得整」風險
蘋果香港官網有提供郵寄維修教學

三項應對方案

「無得整」在當地買同款機,以加拿大買iPhone 12 Pro為例,與香港只相差約二百蚊,不過要花大筆錢買新機,壞機又要寄返香港整,呢項風險都幾煩人。正策劃移民的iPhone用家,可考慮三項應對方案。

行貨換水貨:用慣大芒機,可考慮賣走手上的行貨,改買水貨iPhone。有同時賣行貨及水貨iPhone的手機店確認,iPhone 12系列因為係日版水貨,所以採用SIM卡加eSIM設計,大大減少「無得整」風險。

轉用細芒機:唔太介意細芒又想繼續用iPhone,可考慮轉用iPhone 12 Mini及iPhone SE,兩款都係SIM卡加eSIM設計,同樣可減少「無得整」風險。

增購後備機:考慮到iPhone用家未必可以輕易轉用Android機,另一可行方案係增購後備機。例如入門機款iPhone SE或二手iPhone 8 Plus,當到埗後雙實體SIM版iPhone壞咗要送返香港維修,都即時有後備機頂上。

伸延閱讀:

【移民加拿大】加拿大考車 持香港牌有乜著數?

【移民加拿大】加拿大銀行開戶 有乜選擇?香港都開到?

【買起全世界】疫市升勢凌厲 多倫多尚有一類筍盤?

【移民加拿大】留學成移居跳板 了解加拿大學制

【移民英國】倫敦車費好貴 搭地鐵巴士可以點慳錢?

【移民英國】居英港人分享 點搵本地資訊睇幫自己「接地氣」

【移民英國】英國租車自駕攻略 停車加油要「自助」

【移民英國】英國開餐好貴 想慳錢有乜選擇?

【移民英國】山窮水盡可享英國「綜援」?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能