【移民英國】倫敦車費好貴 搭地鐵巴士可以點慳錢?

·3 分鐘文章
【移民英國】倫敦車費好貴 搭地鐵巴士可以點慳錢?
在倫敦通勤,搭巴士係最實惠選擇之一。

移居英國選擇倫敦作為落腳點,其中一項挑戰係交通費貴,想慳錢就要了解繁忙時段同搭車優惠選擇。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

齋搭巴士未必行得通

倫敦搭車最基本係買張Oyster Card,購買Oyster Card要支付£5,當使用滿一年後£5就會在車費中自動回贈畀你。

至於搭車選擇,最熱門係地鐵同巴士,以車費計巴士明顯較實惠。倫敦巴士單程車費不論遠近劃一£1.5,以Oyster Card、信用卡或Debit Card拍卡付款一小時內可免費轉乘巴士,仲可以轉搭經Wimbledon、Beckenham或New Addington的倫敦輕鐵(London Tramlink)。另外當日只搭過巴士加輕鐵,車費上限只係£4.5,即係搭足三程之後拍卡搭巴士輕鐵都唔扣錢。

搭巴士另一優勢係相對Tube地底路段,手機訊號接收清晰得多,毋須擔心搭到半路「斷網」。不過搭巴士都有一些弱點,首先係倫敦市中心區域經常塞車,令通勤時間忽然延長。同一條線巴士終點站未必相同,目的地較遠半路要轉車係等閒事。另外有時巴士到半路會換司機,這樣搞一搞又停車一、兩個字,假如你趕時間都幾頭痕。

倫敦車費好貴-搭地鐵巴士可以點慳錢?
倫敦搭車入門知識

地鐵車費繁忙時段加辣

想快捷的話首選都係搭地鐵,Transport for London(TfL)將倫敦劃分為9個區,市中心區域為Zone1,再層層擴至到Zone 9。TfL以Zone概念為基礎再引入繁忙時段收費加辣機制,繁忙時段(Peak)為星期一至五早上六點半至九點及下午四點至五點,即涵蓋熱門返工時間;非繁忙時段(Off Peak)除了係星期一至五其他時間,並包括星期六、日及公眾假期。

既然係加辣,繁忙時段用Oyster Card搭地鐵自然貴一截,例如由Zone 1到Zone 2,繁忙時段要£3,但非繁忙時段只減至£2.5,Zone 1到Zone 6就更明顯,繁忙時段要£5.3,非繁忙時段只係£3.3。不過用Oyster Card搭地鐵,亦可享每日(Daily Cap)及每星期(Weekly Cap)車費上限,例如由Zone 1到Zone 2,每日搭足£7.4,同日再搭就唔收錢;每星期搭足£37,該星期餘下日子再搭就同樣唔收錢。

想慳多啲車費,就要考慮買Travelcards或Citymapper Super Pass。Travelcards設有週票或月票,價錢按跨Zone幅度而定,例如由Zone 1到Zone 2,月票價錢£142.1,以30日除開每日都係£4.74,明顯較Daily Cap優惠平一截。

至於Citymapper Super Pass就屬於週票,初次購買必須買足四星期,大約夠你用一個月,暫時涵蓋Zone 1到Zone 6,例如Zone 1到Zone 2週票價錢為£33,較7日Travelcards收費£37平少少。Citymapper Super Passr另一好處係既有實體卡亦有專用App,而且可以按需要隨時選擇停用。

考慮買唔買週票或月票,關鍵點在於你多唔多在繁忙時段搭車返工,兼且跨Zone幅度有幾大。假如避唔到Peak又要跨Zone通勤,就要計計數用Citymapper Pass或TravelCard邊樣抵啲,同時考慮埋星期六、日出街的比率,度出適合自己又慳得最多的搭車方案。

伸延閱讀:

【移民英國】居英港人分享 點搵本地資訊睇幫自己「接地氣」

【移民英國】英國租車自駕攻略 停車加油要「自助」

【移民英國】英國開餐好貴 想慳錢有乜選擇?

【移民英國】山窮水盡可享英國「綜援」?

【移民英國】英國酒吧正式成社區中心?搵落腳點可能要更留心

【移民英國】英國想剪頭髮有乜選擇?£3剪髮有無伏?

【移民英國】英國遺產稅高達40%,如何利用保險預備稅金?

【移民英國】幫寵物移居英國 唔一定要搵公司幫手

【移居英國】登陸英國第一關 解讀檢疫隔離加辣措施

【移民英國】BNO居留簽證可用App申請 LOTR途徑將延長

【買起全世界】英樓價新高 唔靠父幹無份玩?

【移民英國】移民揸車入門教學(英國篇)

【英國移民懶人包】生活費以外 稅項/保險/雜費/學費逐樣計

【移民英國】BNO移居英國升學部署 (公立學校篇)

【移民英國】揸BNO移居英國仲要諗私立學校?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能