【股壇衝鋒車】任德章新寵要留神(周沖)
大市無咩特別好睇,但三、四線股都發力向上,周沖之前提過的聯太(0176)及小南國(03666)都逆市上升。無貨的戰友不妨可以低吸,始終兩隻股份都在起步位,又似大茶飯格局,低吸高沽應是不二之選。
講起大茶飯格局,周沖這個周末同戰友睇公告同SDI搵到隻值得跟進的,就是停牌7年,將於明天復牌的大唐潼金(08299)給大家分析一下。此股曾經去到除牌階段,但因為殼價值錢的關係得到白武士注資,再進行一次資本動作就是2供1,作價$0.02。上周5出了供股結果,一如其他停牌多年的股票,大部分散戶都意興闌珊下等沽貨取錢,但在這時間周沖覺得機會出現了。
原因有二,第一是低調股神任德章現身成大股東。本來成單通告都無見任總出現,但偏偏係供股結果出黎見到任總個大名現身,重有成60幾億股。計番起條數,佢同馬先生買呢隻殻都係4億多市值,減番有成億資產係入面算是低於殻價。周沖股齡唔算深,但曾經都係任總手上賺過錢,之前他入股的中國信貸(08207)同長飛光纖(06869)都係倍升之選,再早幾年的潤迅(0989)炒過十倍,可見任總是無寶不落之人。
停牌7年,一定會有沽盤和絕望盤不問價沽。周沖建議如果明天開盤後有接近供股價$0.02不妨跟進,睇番白武士的成本加埋原有股票(未除淨前達$0.077),相信不容易見到。任總有點石成金的能力,之前見佢入股後都有其穿針引線的能力越搞越好,中國信貸(08207)都比任總搞到200億市值,大唐潼金(08299)值得期待。
買入價:$0.02附近 目標價:$0.1 止蝕價:不設
周沖
chowchung123@yahoo.com.hk
http://www.facebook.com/chowchung123