【股壇衝鋒車】含金量高買珀麗(周沖)
大市周一回來又重拾升幅,但見到成交不算配合,顯現而見大市正如陰謀論來說的維穩中,加上A股入摩的呼聲高,大市維持在高位。
在這幾天比較出眾的版塊周沖反而覺得是一眾炒友都覺得難炒的土炮地產股。呢個版塊一直都是炒友敬而遠之的股份,但最近好像出現了變化,不知和中資資金取回股價定價權有沒有關係。
今日的泛海系全系都升,包括泛海集團(0129)、泛海酒店(0292),令周沖不妨睇多兩眼珀麗酒店(01189)。所有股票要炒都必定有一個催化劑,珀麗在月初的股東大會時通過發行認購權證,行使價$0.59。
通常華資佬的心態都係會益自己友,4年之後才通過新的購股權應該是一個相當利好的信號,睇番圖表4月尾曾經升到$0.64的高位,執筆之時剛剛在$0.59的位置,就是正正珀麗剛發出的行使價。
華資股一向係含金量高但又唔炒,睇番珀麗有成16億幾現金係手,每股淨現金$2.1,同現價相比只係得3成左近。陰謀論點看,如果有人想追擊的話又或者老闆想做番好價格都無可不可。觀乎其他華資股的表現,周沖相信珀麗(01189)如果破$0.64的話股價應一望無際,可以於現水平先買一注,待破$0.64再加注,目標係現金價位的一半即係$1.05。
買入價: $0.58 目標價: $1.05 止蝕價: $0.50
周沖
chowchung123@yahoo.com.hk
http://www.facebook.com/chowchung123