【股壇衝鋒車】吼實盈利爆升孖寶（周沖）

早市曾經突破28000點的心理關口，但到午市執筆之時又回落番，不過周沖暫時都仍然睇好只你大漲小回格局，但注碼比起之前要減少一點，作靈活安排。上周推介的結好金融（01469）不到一周時間升左4成，算是第一次咁快趕上尾班車，希望每星期的推介也能夠咁順利便好。今天為大家帶來兩隻盈喜股，周沖相信都係長升長有之選，分別就係微創醫療（0853）及移動互聯（01439）。

微創醫療（0853）做的是高科技醫療設備，2016半年結賺了2000多萬美元，上升3.6倍。價值投資者見到個市盈率可以嚇一嚇親，成9x倍點買啊？但原來微創係禾稈冚珍珠。首先業績經過低潮，今年估計賺5000多萬美元，計算一下市盈率立即去番25倍左右，作為醫療股不算高。另外分別於今年5月和8月曾經引入投資者投資旗下的子公司，分別估值18億多和約18億人仔，而呢兩間公司重處於發展階段，盈利不多，大基金在此時用高估值進場必定是對其發展有信心，而呢兩間子公司都差不多佔左一半市值，重未計及剛剛分拆上新三板的項目，可見微創實在係資產豐富的金蛋。

另外一隻移動互聯（01439）前身叫中華包裝，於去年開始收購手遊公司並且轉型。從年報見手遊業務開始佔了一半今年業務，管理層還說下年應比重更高。睇番股價已經率先破左一年高位，由傳統包裝變身遊戲股份，估值會係點大家明白的。

買入價： $7.0 目標價：$9.0 止損價：$6.0

周沖

chowchung123@yahoo.com.hk
http://www.facebook.com/chowchung123