【股壇衝鋒車】打新股的策略(周沖)
昨早未坐定無端端跌400多點,有傳話中東油王出事基金係咁掟貨,但從而測試到大市市底好強橫,由跌400幾都差不多倒升由騰訊(0700)帶領。經過今日失驚無神咁跌,周沖認為大市大漲小回格局應該繼續,但由於大部分資金都去左閱文同雷蛇手上,再加上今日招股的易鑫反應又是熱烈,真係只恨現金太少股太多。
平時呢類股王真係一年一隻,今次三隻放埋一齊令到一班平時係銀行放好多現金唔投資的都搞埋一份,影響哂個賽果。就係因為咁周沖決定反其道而行,膽就一定係大野,再拖番隻細細地既創業版提高回報。
睇番近排上市的創業版,除左之前隻超購王高萌科技(8065)第一日升差不多一倍之外,其餘之前既創仔基本上都隻隻賺錢,有三至五成升幅不等,咁講法買到即是賺到是硬道理。因此今日截飛的方圓房地產(08376)同亞洲先峰娛樂(08400)我都搏左大霧去抽。聽經紀友人講呢兩日會有隻捲土重來的創仔招股,敢同易鑫同期的應該來頭不小,再有消息就在面書通知大家啦!
周沖
http://www.facebook.com/chowchung123
chowchung123@yahoo.com.hk