【股壇衝鋒車】收歸國有概念股(周沖)
放左一星期大假,周沖放假時間都不忘睇市。過去那星期都用好炒來形容,美圖公司(1357)由京基接番CORNERSTONE4億幾貨2日炒上3蚊,而呢2個月不斷有國內資金買入的東方海外(0316)就被中遠洋(1919)以天價78.67元全購,算係阿爺論功行賞的舉動。
呢一點令到周沖諗番起這一種「中資進、港資退」的概念股有三隻可以諗諗。第一隻就是國泰航空(0293)。中國航空(0753)作為其第二大股東之前都有傳過會收購。航空業現今都十分難做,因此賣盤也絕對唔出奇。
另一隻就是惠理基金(0806),之前傳出過海航(0521)想收購謝清海的惠理基金,通常空穴來風未必無因,通常海航一出手都是天價買貨,所以又係一隻可以吸納的股份。
第三隻就是誠哥的和電香港(0215)。早排傳出會賣其固網業務,不少專家都估值約15億美元左右。觀察其股價走勢和早前的東方海外不謀而合。之前專家估董伯伯的東方海外都估低左2成有多,照咁睇和電一日未停牌都可以在其股價加上2-3成溢價作為參考。睇下CCASS呢個月主力沽都係JP MORGAN,其他如德意志同大摩都不斷吸納,仲有一間國內人常用的盈透都買左成千萬股,看來成事機會最高。不妨在3蚊樓下買點貨,博佢溢價2-3成睇下有冇機會$3.6-$4。
買入價: $2.95 目標價: $4.0 止損價: $ $2.80
周沖
http://www.facebook.com/chowchung123
chowchung123@yahoo.com.hk