【胡．說樓市】觀塘「凱滙」 呢啲單位畀人望住晒？

「如果俾我揀，我希望係一萬年！」傻啦，人會變月會圓，景觀都會轉！觀塘「凱滙」賣嘅就係舊區重建嘅前景，不過重建後係咩光景，仲有邊啲單位受影響，我哋都應該要知清楚！

共分兩期發展的「凱滙」，由四座組成，首期一二座超過一千伙，沿著「協和街」地界，位置上較接近重建計劃一期嘅「觀月．樺峯」。

物業建於平台之上，低層也頗開揚，向「協和街」方向的單位，最遠更可望到秀茂坪一帶翠綠山景，只是「協和街」是一條車來車往的行車道，故向這方向單位，需進行噪音緩解措施。「1座A至B室」、「E至H室」，以及「2座A至B室」及「M室」都屬這類。

「凱滙」屬於觀塘重建計劃一部份，而這個被喻為市建局歷來最大型的重建計劃，共分五期發展，佔地超過五公頃。

重建計劃最後兩期仍進行中，位置夾在「觀塘港鐵站」及「凱滙」之間，包括原屬「裕民坊」舊址，就是重建計劃的第五期，日後會發展為三座「蛋形地標式建築」，設有多用途活動中心、政府辦公大樓、零售設施等。

據售樓處擺位，蛋形建築跟「凱滙」一座G及H室主人房最貼近。由於主人房採玻璃幕牆設計，也意味日後這邊單位的主人房私隱，隨時被途人一覽無遺。起碼去到20樓以上才避得過建築。

至於地盤另一端，會發展為四期，興建一座高達280米的摩天大樓，低層設大型商場，上高發展為酒店及寫字樓，跟現時九龍站「ICC」有幾份相似。

但隨著摩天大樓落成，也意味「一座E至G室」，日後透過「觀塘工業區」望出去的海濱景緻，會被大樓削去大半。