【Yahoo財經App】美股要「Fact Check」其實唔難

·3 分鐘文章
【-yahoo財經-app】美股要「-fact-check」其實唔難
Yahoo財經App多項功能幫你快速了解目標美股資料

投資最忌拎住代號就瞓身買,用Yahoo財經App,就可以從唔同角度為目標美股「Fact Check」。

五項關鍵資訊

Yahoo財經App頂部「搜尋」輸入美股名稱及代號,先會睇到顯示實時報價「摘要」部份,你仲可以在「主要統計數據」睇埋股份今日波幅、52週高低價、平均成交量、股息及息率、業績公布日等資料。

再按隔離嘅「詳細資料」,就可以睇晒美股五項關鍵資訊。如果連間公司做乜都唔太肯定,就要先「碌」落底部睇第一項關鍵資訊「公司資料」,除了公司地址、電話、網址、所屬版塊及行業、員工數目等基本資料,簡介亦會講解公司的業務概念、產品及賣點。

【-yahoo財經-app】美股要「-fact-check」其實唔難
「公司資料」除基本資料並會簡介公司的業務概念、產品及賣點

了解公司基本資料後,你當然會想睇埋公司盈利狀況,頂部「金融」部分以圖表顯示公司收益及盈利,近四年公司收益及盈利增長就一目了然。

【-yahoo財經-app】美股要「-fact-check」其實唔難
「金融」部分以圖表顯示公司收益及盈利

第三項關鍵指標係股價走勢,「歷史數據」顯示近52週股價走勢圖,按「查看全部」更會列出近52週每日股價紀錄,包括開市、最高、最低、收市價,用來翻查近日股價表現就最方便。

【-yahoo財經-app】美股要「-fact-check」其實唔難
「歷史數據」顯示近52週股價走勢圖

第四項關鍵指標係分析師給予評級及目標價,在「分析」部分可以睇到兩項資料,一是分析師平均給予的評分,分1至5分(強勁購買至賣出),二是分析師給予的平均目標價,更會貼心地將目前股價及平均目標價作對比,讓你了解大約有幾多「水位」。

【-yahoo財經-app】美股要「-fact-check」其實唔難
「分析」部分可以睇到分析師給予評級及目標價

第五項指標係揸重倉大戶,在「持股人」部分會顯示最近大手吸納股份的大戶,再按「查看全部」,在「最大機構持股人」排行榜,從排行榜你亦可以這隻股份吸引幾多具實力的大戶揸重倉。

【-yahoo財經-app】美股要「-fact-check」其實唔難
「最大機構持股人」部分會顯示揸重倉的大戶

新聞分析全日放送

想睇埋美股最新資訊及分析,在實時報價「摘要」部分掃落去就會見到相關新聞及分析。如你已將多隻追蹤美股砌成清單,在首頁底部去亦會見到清單內追蹤目標相關的新聞及分析,方便你一次過睇晒心水股份的最新資訊。

【-yahoo財經-app】美股要「-fact-check」其實唔難
實時報價「摘要」部分底部會顯示相關新聞及分析

想睇英文版美股新聞分析,只要到「設定」部分「新聞地區」,再揀「英文(美國)」,系統就會自動顯示美版資訊及分析,仲有Yahoo財經團隊製作的美股分析短片,讓你快捷掌握心水美股即市資訊,捕捉投資時機就更有勝算。

【-yahoo財經-app】美股要「-fact-check」其實唔難
到「設定」部分「新聞地區」,再揀「英文(美國)」,系統就會自動顯示美版資訊及分析
【-yahoo財經-app】美股要「-fact-check」其實唔難
美版資訊並提供Yahoo財經團隊製作即市分析短片