【Yahoo財經App】過萬隻美股 免費實時報價

Yahoo財經App賣點之一係提供免費任check實時報價

投資美股最緊要快，用Yahoo財經App，隨時即Check過萬隻美股實時報價，仲要係免費任你Check。

跨平台優勢

想任Check美股實時報價，第一步當然係裝App。Yahoo財經App支援iOS及Android兩大平台，到App Store及Google Play就可以直接下載。假如你同時係iPhone及iPad用家，更可以分別選擇iPhone或畫面更闊落嘅iPad版本。

Yahoo財經App支援iOS及Android兩大平台，更為蘋果產品用家提供iPhone、iPad及Apple TV三個版本

下載及安裝App後，記得先用Yahoo帳戶登入，你已登記Yahoo帳戶，即使唔記得登入密碼，只要輸入登記用戶名稱、電郵地址或手機號碼，再按忘記密碼，就可以經SMS或電郵收到驗證碼完成登入程序。

已有Yahoo帳戶，可輸入用戶名稱、電郵地址或手機號碼登入Yahoo財經App

假如未有Yahoo帳戶，可以按「建立帳戶」輸入簡單資料登記。

簡單輸入個人資料，即可以註冊Yahoo帳戶

點解登入App咁緊要？因為Yahoo財經App賣點之一係可以跨平台使用。日後你有堆心水美股並砌成投資組合清單，方便一眼睇晒股價，用Yahoo帳戶登入財經App，在唔同平台及唔同裝置都可以睇到一模一樣投資組合清單及關注股票。例如你日頭返工用Yahoo財經App睇港股，晚上在家就可以改用iPad用「大芒」睇實自己嘅美股組合。

兩大理由 免費實時報價好重要！

在Yahoo財經App使用實時報價好簡單，在頂部「搜尋」欄輸入美股名稱或代號，系統就會顯示你想搵的美股，直接按美股名就見到實時報價。除了實時股價，下邊圖表更會顯示即日股價走勢，助你判斷目標美股今日有幾「熱炒」。

唔太記得美股個？只要輸入頭幾個字母，系統就會顯示你想搜尋嘅美股

除顯示實時報價，仲有即日走勢圖畀你參考

假如你係美股新手，可能會疑惑實時報價真係咁重要？有兩大理由，玩美股好需要實時報價。第一係熱門美股波幅可以好誇張，例如當GameStop（GME）成為散戶與對沖基金「戰場」時，即日曾低見112.25美元又高見483美元；強勢股Tesla，即日高低波幅數十美元係等閒事。所以好好運用免費美股實時報價，就可以捕捉唔少入貨同賺錢機會。

GameStop（GME）成為散戶與對沖基金的「戰場」時，即日高低價相差逾370美元

第二係快同穩定，玩美股唔少人都會用券商App落盤，但部分券商App報價會延遲15分鐘，美股熱潮下，間中又會因為太多人用而出現超慢甚至彈App情況。Yahoo財經App優勢係實時報價及穩定，所以唔少人玩美股習慣先用Yahoo財經App睇股價，再用券商App落盤。

Yahoo財經App實時報價除了美股，仲可以check埋外匯、ETF、金價同虛擬貨幣，想快人一步掌握實時報價優勢，立即下載玩美股必備投資工具Yahoo財經App！