俄國研究:LEGO投資回報 比股票高
有返咁上下年齡嘅散戶,除咗炒股票同樓(或者炒舖),都會有不同形式的另類投資,有人會買Contemp art,有人好古玩,有人就鍾意投資不同種類嘅小收集,而比較接地氣嘅,通常都會投資LEGO等玩具。
投資LEGO都唔係新鮮,只係外行未必知LEGO到底有幾好搵。搵到錢嘅人,係唔會透露畀你聽佢搵幾多,咁到底,LEGO有幾好搵呢?
話說日前俄羅斯國立高等經濟學院(National Research University Higher School of Economics)公佈研究,發現幾乎好搵過股票﹗以下一齊睇睇參考一下吧。
根據《LEGO – The Toy of Smart Investors》一文,教授Victoria Dobrynskaya總共搜集了約2300套在1987年至2015年銷售的樂高積木價格,包括原價及轉賣價,發現當中有不少LEGO系列,年收益率可以達到11%,當中近年最搵錢例子,要數Star Wars Darth Revan,2014年首發至今,升值了6倍有多。
報告還指出,論升值潛力,於約2300套LEGO當中,一般以較細盒(最多113塊)的升值能力較佳,年收益率可以高達22%,比很多股票優勝。
不過報告都提醒大家,多年來唯一跑輸兼貶值也是有的,那就是The Simpsons系列,平均跌3.5%;有意投資的你,記得留意以免「接捧」。
之不過,報告歸報告,升值還升值,筆者也認識一些LEGO投資及愛好者,他們買LEGO最基本是不拆盒(通常一買就買兩至三盒同款),換言之,你要有一個很好的存放空間才可以,單單想到要在香港找個儲放空間就頭痛。
本港的存放成本較高,早前聽說迷利倉愈來愈貴,七除八扣之下,除非你投資的「量」大,否則還是會拖累淨回報的。
來源:Lego collecting delivers huge (and uncorrelated) market returns
===============
精選資訊網站「中環街市」 臉書粉絲頁