俄羅斯神貓 準備預測世界盃賽果
世界盃就快開波,前排大家都講緊「世界盃魔咒」,話根據過往記錄,賽事期間處在流動性階段性緊張同金融圈睇波時期,投資者根本無心戀戰云云。有內地媒體索性歸納出過往多屆世界盃,全世股市成交都會萎縮…
不過,今次唔同大家講衰嘢,而要同大家向前望,講講今年要點預測世界盃賽果﹗
2010年南非世界盃,德國章魚哥保羅技驚四座,搞到筆者有朋友今屆都專登買咗條章魚,喺屋企預測賽果。
之不過,今年用章魚可能未必夠準,睇近日外國媒體報導,咁多隻動物當中,今年一致睇好要靠貓咪去預測賽果。
其實,被寄予厚望嘅,係俄羅斯冬宮博物館(St Petersburg's Hermitage museum)一隻被譽為「神貓」嘅白色貓咪Achilles,據聞佢準備靠「貓的觸覺」(cat sense)於俄羅斯世界盃大顯身手。
最近博物館人員,已經為貓咪準備好大數據,要佢記低所有參賽隊伍資料,為咗到時用貓之眼一貼即中。
有時真係唔好唔信邪,呢兩個月,不妨問下屋企隻貓,話唔定都俾到賽果你。
來源:thenational
===============
財經精選資訊網站「中環街市」 臉書粉絲頁