【假期攻略】2019年應該放棄復活節長假

新一年請假攻略陸續出爐，例牌教你請幾多放幾多，好似全年都可以請假咁，但你又有無諗過，點請為之真正請假策略？以下策略可能你都有同感，小編不如再講多次：

1.復活節長假唔抵請

請假黃金比例最好1比4，差啲就請1放3，但復活節4月19（星期五）至4月22（星期一），到4月27至28（星期六日），中間夾咗4日；表面睇，請4日就可以放10日好抵，但細心一想代價太大，如果可以連放4日假，其實幾時放都得。

2.真正長假係農歷新年

相比復活節，今年打工仔應該all-in新年，因為請2放9，即係已經超越請1放4呢個短假期黃金比例；你只要請2月4同2月8，就有聖誕級數假期，適合舉家避年，一舉數得。

3.上半年最好留多日假

如果要食盡全年放假優勢，相比2018年，其實2019年下半年，即9月到12月，較往年要用多一日：2018年只要9日，就可以分別有請1放4、請4放9、請4放11，但2019年因為聖誕請5才能放12，下半年總數要放10日，先可以食盡假期。唔夠假嘅你，上半年記得留一留啦。

4. 2019年不利放長假

如果你有計劃遠行，其實可以考慮等多一年睇定啲，因為2019年連放優惠，需要打工仔連放幾日為主，彈性非常之低，例如4月要放4日（4月23-26），9月要放3日（9月2-4），放一兩日老細唔多覺，但連放攞假難度就激增。

所以有時候，退一步海闊天空，小編建議，今年是時候放棄復活節，你得到的可能是更多。

2019勞工假期

1 月 1 日（星期二）：元旦 2 月 5 日（星期二）至 7 日（星期四）：農曆新年假期 4 月 5 日（星期五）：清明節 5 月 1 日（星期三）： 勞動節 6 月 7 日（星期五）：端午節 7 月 1 日（星期一）： 香港特別行政區成立紀念日 9 月 14 日（星期六）：中秋節翌日 10 月 1 日（星期二）：國慶日 10 月 7 日（星期一）：重陽節 12 月 22 日（星期日）或 12 月 25 日（星期三）：冬至或聖誕節（由僱主選擇）

2019公眾假期

1 月 1 日（星期一）：元旦 2 月 5 日（星期二）至 7 日（星期四）：農曆新年假期 4月 19 日（星期五）至 4 月 22 日（星期一）：耶穌受難節＋復活節 4月 5 日（星期五）：清明節 5 月 1 日（星期三）： 勞動節 5月 13 日（星期一）：佛誕翌日 6 月 7 日（星期五）：端午節 7 月 1 日（星期一）： 香港特別行政區成立紀念日 9 月 14 日（星期六）：中秋節翌日 10 月 1 日（星期二）：國慶日 10 月 7 日（星期一）：重陽節 12月 25 日（星期三）至 12 月 26 日（星期四）：聖誕節＋聖誕節後第一個周日

===================

19網輕鬆爆料熱線，歡迎舉報老細同事19惡行，立即click入去講畀我哋知啦