香港股市 將在 7 小時 13 分鐘 開市

傳喜茶估值80億?芝士奶蓋真的夠了

最近老麥推出芝士奶蓋系列,筆者都去過好幾間排隊購買。芝士奶蓋的確有不少捧場客,見平時滋油淡定的McCafe員工,個個都忙到出汗,有員工仲同筆者講「可唔可以唔叫草莓」,因為要沖好耐。

呢一兩年芝士奶蓋茶真係成行成市,其實除咗老麥,原來最近連南小館都出芝士奶蓋飲品,俾你一邊品嚐小籠包,一邊飲芝士奶蓋,諗起都覺得,芝士奶蓋會唔會好快就到水尾?

芝士奶蓋興起,源於在江門成立的皇茶,於2016年改名成喜茶,並同時以自創的芝士奶蓋爆紅。近日市場傳聞,已榮登茶飲界一哥的喜茶估值高達80億元人仔,超越奈雪之茶成為國內估值最高的茶飲品牌。

不過,今次有不少專家就罕有地潑喜茶冷水,認為「不值那麼多錢」,因為傳統的奶茶業模式上依然未有革新。

不知道大家有沒有留意,芝士奶蓋已經變得像葡撻一樣擴散,人人都可以賣,最近瑞幸咖啡的4款小鹿茶,還有內地KFC在北京富力廣場開的甜品店所賣的茶飲,都係以芝士奶蓋茶飲為主。

接下來,看快要上市的大興、大家樂和吉野家,會不會出芝士奶蓋了?如果去大家樂3040蚊食個tea,但有杯芝士奶蓋,心態上,荷包都無咁受傷害。但也意味著,芝士奶蓋真的夠了。

===============

精選資訊網站「中環街市」  臉書粉絲頁